Aa |   aA
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ឃាត់ខ្លួនជនបរទេសជិត១០នាក់ ពាក់ព័ន្ធករណីកាន់កាប់អាវុធខុសច្បាប់ នៅខេត្តព្រះសីហនុ | BREAKING: ផ្អើលករណីពុលសាំងវិច ពីហាងសំពៅមាស មន្ត្រីសាលាក្រុងព្រះសីហនុ ជិត៥០នាក់កំពុងព្យាបាល | សម្តេច​តេ​ជោ ហ៊ុន សែន រំលឹកពី​អាហារ​​មួយពេល​ជា​ប្រវត្តិសាស្ត្រ​ជាមួយ​មេដឹកនាំ​ខ្មែរក្រហម​ | Update៖ ធ្លាក់យន្តហោះនៅកូរ៉េខាងត្បូង ឆក់ជីវិតអ្នកដំណើរស្ទើរតែទាំងអស់នៅលើយន្តហោះ | សម្តេចនាយករដ្ឋមន្ត្រី ហ៊ុន ម៉ាណែត ប្រារព្ធទិវាសន្តិភាពនៅកម្ពុជា ជាមួយនឹងការប្រកួតបាល់ទាត់មិត្តភាព | ប្រធានាធិបតីសហរដ្ឋអាមេរិកទី៣៩ លោក ជីមមី ខាតធ័រ ទទួលមរណភាពនៅអាយុ ១០០ឆ្នាំ |

Elon Musk ថា Apple មិនដែលពិចារណារឿងដក Twitter ចេញពី App Store ឡើយ

  • ចុះផ្សាយថ្ងៃទី០១ ខែធ្នូ ឆ្នាំ២០២២ ម៉ោង ១៤:៤១ នាទី ដោយ Mesa
  • 1773
  Aa |   aA

អន្តរជាតិ៖ លោក Elon Musk តាមរយៈប្រព័ន្ធបណ្តាញសង្គម Twitter កាលពីថ្ងៃពុធម្សិលមិញនេះបានរៀបរាប់ថា ជុំវិញបញ្ហាដែលជាការយល់ច្រលំថាប្រព័ន្ធបណ្តាញសង្គម Twiiter អាចនឹងត្រូវបានដកចេញពី App Store នៃប្រព័ន្ធប្រតិបត្តិការ iOS របស់ក្រុមហ៊ុន Apple នោះត្រូវបានដោះស្រាយរួចរាល់ហើយ។

មហាសេដ្ឋីពាន់លានរបស់ពិភពលោកខាងលើបានសរសេរក្នុង Twitter របស់លោក ក្រោយជំនួបជាមួយ CEO Apple លោក Tim Cook ថា៖ “ លោក Tim បានបញ្ជាក់ច្បាស់ហើយថា Apple គ្មានថ្ងៃធ្វើបែបនេះឡើយ (ដក Twitter ចេញពី App Store)”។

គួរបញ្ជាក់ថា កាលពីថ្ងៃចន្ទកន្លងទៅ លោក Elon Musk បានចោទប្រកាន់ Apple ជុំវិញការគំរាមដក Twitter ចេញពី App Store ដោយមិនបានប្រាប់ពីមូលហេតុច្បាស់លាស់ណាមួយឡើយ ប៉ុន្តែការគំរាមនេះបានធ្វើឡើងក្រោយពេលលោក Elon Musk បានបង្ហើបពីគំរោងគិតសេវាមួយខែ ៨ដុល្លារអាមេរិកសម្រាប់គណនី Twitter ទាំងឡាយណាដែលមានបំណងចង់បានសញ្ញា ធីក ពណ៌ខៀវ។ មិនត្រឹមតែប៉ុណ្ណោះ នៅក្នុង Tweet មួយផ្សេងទៀត លោក Musk បានភ្ជាប់ (Tagged) លោក Tim បញ្ជាក់ពីបញ្ហានេះផងដែរ។

មកទល់ពេលនេះ ទាំងក្រុមហ៊ុន Apple និង Twitter មិនមានការបកស្រាយផ្លូវការណាមួយជុំវិញការបង្ហោះសារ Twitter របស់លោក Elon Musk ជុំវិញបញ្ហានេះឡើយ៕



ព័ត៌មានជាច្រើនទៀតសម្រាប់អ្នក