ប្រឆាំងអ្វីបានតែមិនអាចប្រឆាំងវាសនា! ទីបំផុតលោក Anwar Ibrahim បានក្លាយជានាយករដ្ឋមន្ត្រីនៃប្រទេសម៉ាឡេស៊ី
ម៉ាឡេស៊ី៖ ប្រធានគណបក្ស Pakatan Harapan (PH) លោក Anwar Ibrahim បានក្លាយជានាយករដ្ឋមមន្ត្រីទី១០ នៃប្រទេសម៉ាឡេស៊ីហើយបន្ទាប់ពីលោកបានស្បថចូលកាន់តំណែងនៅថ្ងៃព្រហស្បតិ៍ ទី២៤ ខែវិច្ឆិកា ឆ្នាំ២០២២នេះ។
ការតែងតាំងរបស់លោក លោក Anwar Ibrahim ត្រូវបានបញ្ជាក់ដោយរាជវាំង Istana Negara បន្ទាប់ពីរយៈពេលជាច្រើនថ្ងៃនៃភាពមិនច្បាស់លាស់ផ្នែកនយោបាយ ខណៈការបោះឆ្នោតកាលពីថ្ងៃសៅរ៍សប្តាហ៍មុន មិនបានបង្កើតឲ្យមានអ្នកទទួលជ័យជំនះច្បាស់លាស់។
កាលពីឆ្នាំ២០១៨ លោក Anwar Ibrahim បឹះនឹងបានក្លាយជានាយករដ្ឋមន្ត្រីនៃប្រទេសម៉ាឡេស៊ីទៅហើយតាមរយៈការសន្យារបស់លោក មហាធៀ ដែលត្រូវបានឡើងកាន់អំណាចពេលនោះ។ ទោះជាយ៉ាងណាក្រោយពីបានអំណាចឡើងវិញលោក មហាធៀ បានក្បត់ពាក្យសន្យា ហើយងាកទៅគប់គិតជាមួយក្រុមសត្រូវរបស់លោកអាន់វ៉ាទៅវិញដែលធ្វើឱ្យលោក អាន់វ៉ា ត្រូវរង់ចាំរយៈពេល៤ឆ្នាំដើម្បីចូលរួមឈរឈ្មោះបោះឆ្នោតសាជាថ្មី៕
