កោះកុង៖ បុរសម្នាក់ដែលស្រវឹងស្រាបានរអិលជើងធ្លាក់ចូលក្នុងប្រឡាយទឹកបណ្តាលឱ្យលង់ទឹកស្លាប់នៅព្រឹកថ្ងៃទី២៣ ខែវិច្ឆិកា ឆ្នាំ២០២២។ ហេតុការណ៍នេះកើតឡើងនៅភូមិវាលជើង ឃុំស្រែអំបិល ស្រែអំបិល ខេត្តកោះកុង។
ជនរងគ្រោះដែលបានលង់ទឹកស្លាប់នោះមានអាយុ ៦៩ឆ្នាំមានទីលំនៅហេតុការណ៍ខាងលើ។
ប្រពន្ធ និងបងប្អូនសាច់ញាតិរបស់ជនរងគ្រោះបានបំភ្លឺថា បុរសខាងលើនៅមុនពេលស្លាប់ ជនរងគ្រោះបានផឹកស្រាស្រវឹងហើយដើរទៅផ្ទះកូនគាត់ ក៏រអិលជើងធ្លាក់ក្នុងប្រឡាយទឹក បណ្តាលឲ្យស្លាប់ រួចក្មួយរបស់គាត់បានយកសាកសពទៅផ្ទះ រង់ចាំផ្នែកជំនាញមកពិនិត្យ។
ផ្នែកជំនាញវិភាគទីកន្លែងកើតហេតុ បានសហការជាមួយប៉ុស្តិ៍ស្រែអំបិល ពិនិត្យទៅលើសាកសពពុំមានស្នាកស្នាមអ្វីគួរឲ្យកត់សម្គាល់ឡើយ តាមសេចក្តីសន្និដ្ឋាន ផ្នែកជំនាញនិងកម្លាំងប៉ុស្តិ៍រដ្ឋបាលស្រែអំបិលបញ្ជាក់ថា ជនរងគ្រោះពិតជាបានស្លាប់ដោយសារលង់ទឹកដោយខ្លួនឯងពិតមែន។
បច្ចុប្បន្ន សាកសពផ្នែកជំនាញបានធ្វើលិខិតប្រគល់ជូនក្រុមគ្រួសារយកទៅធ្វើបុណ្យតាមប្រពៃណីហើយ៕