ភ្នំពេញ៖ ផ្ទះពលរដ្ឋក្នុងភូមិឡរកំបោរ សង្កាត់ស្វាយប៉ាក ខណ្ឌឬស្សីកែវ រាជធានីភ្នំពេញចំនួន៦ខ្នងត្រូវបានភ្លើងឆាបឆេះកាលពីព្រឹកនេះនៅវេលាម៉ោងជិត៧ ថ្ងៃទី១៦ ខែវិច្ឆិកា ឆ្នាំ២០២២។ ប៉ុន្តែក្នុងគ្រោះអគ្គិភ័យនោះមិនបណ្តាលឱ្យមនុស្សរងរបួសឡើយ។
តាមរបាយការណ៍របស់នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះនៃអគ្គស្នងការដ្ឋាននគរបាលជាតិ អគ្គិភ័យនេះគឺផ្តើមចេញពីម្ចាស់ផ្ទះជនជាតិវៀតណាម អាយុ៦៧ឆ្នាំ មានមុខរបរជាអ្នកលក់ត្រី ដោយអគ្គិភ័យនេះគឺបណ្តាលមកពីឆ្លងចរន្តអគ្គិសនី។
អគ្គិភ័យនេះក៏បានរាលដាលឆាបឆេះទៅផ្ទះចំនួន៥បន្ថែមទៀត ដោយផ្ទះភាគច្រើនជាប្រភេទផ្ទះថ្មក្រោមឈើលើ។
កងកម្លាំងអន្តរាគមន៍បង្ការពន្លត់អគ្គិភ័យ និងសង្គ្រោះ បានប្រើប្រាស់រថយន្តការិយាល័យអគ្គិភ័យ ចំនួន ១៩ គ្រឿង ប្រើប្រាស់ទឹកអស់ចំនួន១៩រថយន្ត ស្មើរនឹង ៧៦ ម៉ែត្រគូប។ អគ្គិភ័យនេះបានរលត់ទៅវិញនៅវេលាម៉ោង ០៨:០០ នាទីព្រឹក៕
