ភ្នំពេញ៖ យុវជនកម្ពជាមានសំណាងក្នុងពេលដែលប្រទេសមានសន្ដិភាពដូចបច្ចុប្បន្ន។ នេះបើតាមការលើកឡើងរបស់នាយករដ្ឋមន្ត្រីកម្ពុជាសម្ដេចតេជោ ហ៊ុន សែន ក្នុងពិធីប្រគល់សញ្ញាបត្រដល់និស្សិតនៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ព្រឹកថ្ងៃទី០១ ខែវិច្ឆិកា ឆ្នាំ២០២២នេះ។ 

សម្ដេចតេជោ បានលើកឡើងថា ហេតុដោយសារកម្ពុជាមានសន្តិភាពដូចបច្ចុប្បន្ននេះទើបធ្វើឲ្យកម្ពុជាមានឱកាសអភិវឌ្ឍន៍ខ្លួន និងផ្ដល់ឱកាសដល់សិស្សនិស្សិតក្នុងការសិក្សារៀនសូត្រ។ សម្ដេចតេជោ ក៏បានរម្លឹកទៅកាន់សម័យសង្គ្រាមដែលកម្ពុជាធ្លាប់បានឆ្លងកាត់ និងបានបង្ហាញនូវទិដ្ឋភាពបច្ចុប្បន្ននៅប្រទេសអ៊ុយក្រែនផងដែរ។ 

សម្ដេចតេជោ ហ៊ុន សែន ក៏បានឲ្យដឹងផងដែរថា សម្ដេចនឹងជួបពិភាក្សាតាមទូរស័ព្ទជាមួយប្រធានាធិបតីអ៊ុយក្រែន លោក ហ្សឺលែនស្គី ផងដែរនៅរសៀលម៉ោង៤ ថ្ងៃទី០១ ខែវិច្ឆិកានេះ៕ 

^{PHOTO: KOK KY}