ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | តំណាងកុងស៊ុលនៃប្រទេសស៊ីប នាំយកថវិកា និងសំភារៈសិក្សាមួយចំនួន ផ្តល់ជូនសាលាដូង ភ្នំគិរីរម្យ | អាជ្ញាធរជាតិអប្សរា៖​ ការផ្តល់ចំណីជាប្រចាំ...បានផ្លាស់ប្តូរនូវទម្លាប់រស់នៅបែបធម្មជាតិរបស់សត្វស្វា ពីសត្វព្រៃ ទៅជាសត្វស្រុក | កំណាត់ចុងក្រោយផ្លូវជាតិលេខ៥ (សិរីសោភ័ណ-ប៉ោយប៉ែត) សម្រេចបាន ២៩% | អាជ្ញាធរជាតិដោះស្រាយវិវាទក្រៅប្រព័ន្ធតុលាការ (អ.ដ.ក.) និងរដ្ឋបាលខេត្តកណ្តាល​ បានសហការគ្នាដោះស្រាយបញ្ចប់វិវាទក្រៅប្រព័ន្ធតុលាការ​ ជូនប្រជាពលរដ្ឋរស់នៅខេត្តកណ្តាល | សម្តេចនាយករដ្ឋមន្ត្រី ហ៊ុន ម៉ាណែត៖ «គ្មានផែនការផ្លាស់ប្តូររដ្ឋមន្ត្រីទេ» ចំពេលមានពាក្យចចាមអារ៉ាម | បច្ចេកវិទ្យាឌីជីថល បានក្លាយជាផ្នែកមួយនៃជីវិតប្រចាំថ្ងៃ​របស់យើង ហើយបាននិងកំពុងក្លាយ​ជាចលករក្នុងការផ្តល់ផលប្រយោជន៍ដល់ជាតិ និងប្រជាជនកម្ពុជា | សម្តេចតេជោ ហ៊ុន សែន បញ្ចេញព័ត៌មានលោក សេង សារី ជុំវិញការចោទប្រកាន់ និងភក្តីភាពនយោបាយ | សម្ដេចតេជោ ហ៊ុន សែន អញ្ជើញជួបពិភាក្សាការងារជាមួយលោកបណ្ឌិត សាយ សំផន ភុមវិហាន ប្រធានរដ្ឋសភាឡាវ |

រដ្ឋមន្ត្រីក្រសួងសាធារណការខកចិត្តនឹងក្រុមហ៊ុនដែលសាងសង់ផ្លូវជាតិ២ និងផ្លូវជាតិលេខ២២

ភ្នំពេញ៖ រដ្ឋមន្ត្រីក្រសួងសាធារណការ និងដឹកជញ្ជូន លោក ស៊ុន ចាន់ថុល លោកបង្ហាញការខកចិត្ត ចំពោះក្រុមហ៊ុនសាងសង់ដែលសុំពន្យារពេលសាងសង់ផ្លូវជាតិលេខ២ និងផ្លូវជាតិលេខ២២ ជាច្រើនលើកជាច្រើនសារ។

ថ្លែងក្នុងសន្និសីទសារព័ត៌មានស្តីពី «សមិទ្ធផលសម្រេចបានរយៈពេល៥ឆ្នាំកន្លងមករបស់ក្រសួងសាធារណការ និងដឹកជញ្ជូន» នៅទីស្តីការគណៈរដ្ឋមន្ត្រីនាព្រឹកថ្ងៃទី២៧ ខែតុលាថា លោកមិនសូវសប្បាយចិត្តចំពោះគុណភាពផ្លូវជាតិលេខ២ និងផ្លូវជាតិលេខ២២ឡើយ ខណៈក្រុមហ៊ុនកូរ៉េសុំពន្យារពេលសាងសង់ឱ្យរួចរាល់នៅពាក់កណ្តាលឆ្នាំ២០២៣ ដែលពេលវេលាក្រសួងកំណត់គឺឱ្យរួចរាល់នៅខែមេសា ឆ្នាំ២០២២។

លោករដ្ឋមន្ត្រីបានថ្លែងថា៖ «ផ្លូវជាតិលេខ២ (ភ្នំពេញ ទៅតាកែវ) និងផ្លូវជាតិលេខ២២។ យើងបានបើកការដ្ឋានសាងសង់ផ្លូវនេះ ជាធម្មតាតាមការគ្រោងទុក ផ្លូវជាតិលេខ២ និងលេខ២២ ត្រូវធ្វើឱ្យហើយនៅថ្ងៃទី១៥ ខែមេសា ឆ្នាំ២០២២។ ប៉ុន្តែក្រុមហ៊ុនសាងសង់មានការយឺតយ៉ាវ សុំពន្យារសាងសង់រហូតដល់ថ្ងៃទី១៥ ខែសីហា ឆ្នាំ២០២២។ ឥឡូវនេះផ្លូវនេះធ្វើបានតែ ៩០ភាគរយនៅឡើយ។ ដូច្នេះក្រុមហ៊ុនសុំស្នើសុំពន្យារម្តងទៀតរហូតដល់ខែ៥ ឆ្នាំ២០២៣»។

បើតាមលោក ស៊ុន ចាន់ថុល កន្លងមកក្រសួងសាធារណការបានជួបពិភាក្សាការងារជាមួយភាគីកូរ៉េដើម្បីសិក្សាលើគុណភាពផ្លូវទាំងពីរនេះធ្វើយ៉ាងណាឱ្យផ្លូវទាំងនេះសាងសង់ដោយមានបច្ចេកទេស គុណភាព និងរឹងមាំបានយូរអង្វែង។ ជាមួយគ្នានេះក្រសួងក៏តែងតែចុះទៅត្រួតពិនិត្យលើបច្ចេកទេសសាងសង់ផ្លូវទាំងនេះអស់ជាច្រើនលើកមកហើយ។ ប៉ុន្តែការសាងសង់គឺមិនត្រូវតាមបច្ចេកទេសត្រឹមត្រូវឡើយ។

ការណ៍នេះហើយលោកបាននិយាយថា៖ «យើងមិនចង់ឮពាក្យថា ក្រសួងសាធារណការ និងដឹកជញ្ជូនធ្វើផ្លូវជាប់រហូត ធ្វើមុខខូចក្រោយ ធ្វើក្រោយខូចមុខ។ ក្រសួងសាធារណការ និងដឹកជញ្ជូនចាក់ស្តើងស៊ីក្រាស់ ចាក់ក្រាស់ស៊ីស្តើង។ យើងខ្ញុំមិនចង់ឮ»៕  



ព័ត៌មានជាច្រើនទៀតសម្រាប់អ្នក