ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

សម្តេចតេជោឆ្លើយតបទៅបក្សប្រឆាំងដែលចោទថាដកដំណែងរដ្ឋមន្ត្រីក្រសួងកសិកម្មខុសពីច្បាប់រដ្ឋធម្មនុញ្ញ

  • ចុះផ្សាយថ្ងៃទី១០ ខែតុលា ឆ្នាំ២០២២ ម៉ោង ១៦:៣៩ នាទី ដោយ Sao SokEng
  • 1605
  Aa |   aA

ភ្នំពេញ៖ ក្នុងពិធីបិទសន្និបាតកាយរឹទ្ធិជាតិកម្ពុជា នារសៀលថ្ងៃទី១០ ខែតុលា ឆ្នាំ២០២២ នៅវិទ្យាស្ថានបច្ចេកវិទ្យាកម្ពុជា នាយករដ្ឋមន្ត្រីកម្ពុជា សម្តេចតេជោ ហ៊ុន សែន បានឆ្លើយតបទៅបក្សប្រឆាំងដែលចោទថាសម្តេចបានស្នើឲ្យព្រះមហាក្សត្រដកដំណែងរដ្ឋមន្ត្រីក្រសួងកសិកម្ម គឺជាបំពានច្បាប់រដ្ឋធម្មនុញ្ញ។

ជាការឆ្លើយតប សម្តេចបានលើកឡើងអំពីមាត្រានៃច្បាប់រដ្ឋធម្មនុញ្ញនៃកម្ពុជាត្រង់មាត្រា២០ និង២១។ សម្តេចតេជោបានថ្លែងដូច្នេះថា៖ «គេចោទយើងដករដ្ឋមន្ត្រី (ក្រសួងកសិកម្ម រុក្ខាប្រមាញ់ និងនេសាទ លោក វេង សាខុន) គឺវាត្រូវ ប៉ុន្តែខុសរដ្ឋធម្មនុញ្ញ។ រដ្ឋធម្មនុញ្ញមាត្រាទី២១ ចង្អុលបង្ហាញថា ព្រះមហាក្សត្រគឺទ្រង់នឹងឡាយព្រះហត្ថលេខាដើម្បីបញ្ចប់មុខតំណែង និងតែងតាំងសម្រាប់អង្គនីតិប្រតិបត្តិតាមសំណើគណៈរដ្ឋមន្ត្រី និងសម្រាប់អង្គតុលាការតាមសំណើរបស់ឧត្តមក្រុមប្រឹក្សាចៅក្រម»។

សម្តេចតេជោបានសម្តែងការហួសចិត្តចំពោះការចោទប្រកាន់របស់បក្សប្រឆាំង។ នាយករដ្ឋមន្ត្រីកម្ពុជាបានថែ្លងថា៖ «ឯងធ្វើអីក៏ខុស។ វាថាលោកនោះជាសមាជិកសភាបកស្រាយច្បាប់គឺជារឿងធម្មតា ដល់ពេលឯង វាចាត់ទុកថារឿងមិនធម្មតា។ នៅពេលយើងធ្វើសកម្មភាពត្រូវតាមធម្មនុញ្ញ ត្រូវតាមច្បាប់ វាថាយើងរំលោភមាត្រា១១៩ នៃរដ្ឋធម្មនុញ្ញ (និយាយពីការតែងតាំងរដ្ឋាភិបាល មិនមែននិយាយពីរឿងដកតំណែងទេ)»។

សូមរំលឹកថា លោក វេង សាខុន ត្រូវបានព្រះមហាក្សត្របញ្ចប់តំណែងពីរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទនាល្ងាចថ្ងៃទី០៨ ខែតុលា ឆ្នាំ២០២២ ដោយរាជរដ្ឋាភិបាលបានចាត់តាំងលោក អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ជារដ្ឋមន្ត្រីស្តីទីនៃក្រសួងកសិកម្ម រុក្ខាប្រមាញ់ និងនេសាទ បន្ថែមលើមុខងារបច្ចុប្បន្ន រហូតដល់មានការតែងតាំងជាផ្លូវការនូវរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ៕ 

PHOTO: ហ៊ុន យុទ្ធគុណ

ព័ត៌មានជាច្រើនទៀតសម្រាប់អ្នក