ទស្សនាការផ្សាយផ្ទាល់: សម្ដេចតេជោ ហ៊ុន សែន អញ្ជើញជាអធិបតីក្នុងពិធីប្រគល់សញ្ញាបត្រជូននិស្សិតសាកលវិទ្យាល័យវេស្ទើន | សម្ដេចតេជោចាប់ផ្ដើមសន្ទរកថាដោយរាប់ថយក្រោយថ្ងៃទី៩៩ មុនដល់ស៉ីហ្គេម | នាយករដ្ឋមន្ត្រីលើកឡើងពីមូលហេតុដែលធ្វើឲ្យកម្ពុជាសម្បូរធនធានធម្មជាតិតែនៅតែក្រ |

អាជ្ញាធរខេត្តព្រះវិហារបិទចរាចរណ៍ត្រង់ផ្លូវលេខ៩២ ដែលជន់លិចជាបណ្តោះអាសន្នសិន

ភ្នំពេញ៖ មន្ទីរសាធារណការ និងដឹកជញ្ចូនខេត្តព្រះវិហារ បានប្រកាសបិទផ្លូវលេខ៩២ ជាបណ្តោះអាសន្នសិនចាប់ពីរសៀលថ្ងៃទី០៤ ខែតុលា នេះតទៅ។ ការផ្អាកចរាចរណ៍ត្រង់កំណាត់ផ្លូវនោះ ដោយសារតែផ្លូវមួយខ្សែចាប់ពីចំណុចគីឡូម៉ែត្រលេខ១០០ ដល់គីឡូម៉ែត្រលេខ១០១ ក្នុងឃុំមរកត ស្រុកជាំក្សាន្ត រងជំនន់ទឹកភ្លៀងដែលបណ្តាលឲ្យកម្ពស់ទឹកហក់ឡើងខ្លាំង។

ការសម្រេចផ្អាកឲ្យយានយន្តគ្រប់ប្រភេទចរាចរណ៍ គឺដើម្បីធានាដល់ការធ្វើចរាចរណ៍ប្រកបដោយសុវត្ថិភាព និងដើម្បីថែរក្សាផ្លូវថ្នល់ ស្ពាន កុំឲ្យមានការបាក់ស្រុត។ កាលណាអនុញ្ញាតឲ្យបើកចរាចរណ៍វិញ មន្ទីរសាធារណការ និងដឹកជញ្ជូនខេត្តព្រះវិហារ នឹងប្រកាសដំណឹងសារជាថ្មី។

មន្ទីរធនធានទឹក និងឧតុនិយមខេត្តព្រះវិហារ សង្ឃឹមថា ម្ចាស់រថយន្តគ្រប់ប្រភេទនឹងអនុវត្តតាមសេចក្តីជូនដំណឹងនេះដើម្បីធានាឲ្យផ្លូវមួយនេះជាប់បានយូរអង្វែង។

តាមរបាយការណ៍របស់ក្រុមការងារគ្រប់គ្រងគ្រោះហន្តរាយខេត្តព្រះវិហារ គ្រោះទឹកជំនន់បានធ្វើឲ្យប៉ះពាល់ផ្ទះសម្បែងពលរដ្ឋចំនួន ១៤០ខ្នង ស្មើនឹង ១៤០គ្រួសារ ក្នុងនោះបានជម្លៀសប្រជាពលរដ្ឋមកទីទួលសុវត្ថិភាពចំនួន ៦៩គ្រួសារ។ ក្រៅពីនោះ បានធ្វើឲ្យលិចស្រូវចំនួនជិត ២ពាន់ហិកតា និងលិចចម្ការដំណាំផ្សេងៗចំនួន ២៦៦ហិកតា រួមទាំងលិច និងខូចខាតហេដ្ឋារចនាសម្ព័ន្ធនានាក្នុងស្រុកចំនួន ៦ផងដែរ៕ 



ព័ត៌មានជាច្រើនទៀតសម្រាប់អ្នក