កំពត៖ គណៈកម្មាធិការគ្រប់គ្រងគ្រោះមហន្តរាយខេត្តកំពត ជូនដំណឹងដល់ពលរដ្ឋដែលរស់នៅតាមដងព្រែកកំពង់បាយ និងប្រជានេសាទក្នុងខេត្តឱ្យដឹងពីការត្រៀមបើកទ្វារទឹកទំនប់វារីអគ្គិសនីកំចាយ ដែលថានឹងធ្វើឱ្យកម្រិតទឹកក្នុងព្រែកមានកម្ពស់លើសពីធម្មតា។
ក្នុងសេចក្ដីជូនដំណឹងចុះថ្ងៃទី២៧ ខែកញ្ញា គណៈកម្មាធិការគ្រប់គ្រងគ្រោះមហាន្តរាយខេត្តកំពតបានបញ្ជាក់ថា ការការបើកទ្វារទឹកនេះដោយសារកម្រិតទឹកក្នុងអាងទឹកបានកើនឡើងជាបន្តបន្ទាប់ដោយសារភ្លៀងនៅតែបន្តធ្លាក់ជាបន្តបន្ទាប់។
ក្នុងសេចក្ដីជូនដំណឹងនោះបញ្ជាក់ថា៖ «ស្ថានភាពអាកាសធាតុចាប់ពីថ្ងៃទី២៨ ខែកញ្ញា រហូតដល់ថ្ងៃទី៤ ខែតុលា ឆ្នាំ២០២២ នៅលើផ្ទៃសមុទ្រអាចនឹងមានភ្លៀងលាយឡំនឹងខ្យល់កន្ត្រាក់បោកបក់ខ្លាំង និងរលកសមុទ្រខ្ពស់។ តាមស្ថានភាពអាកាសធាតុនេះ ភ្លៀងនៅតែបន្តធ្លាក់ជាបន្តបន្ទាប់ ជាពិសេសតំបន់ទំនប់វារីអគ្គិសនីកំចាយ»។
បើតាមគណៈកម្មាធិការគ្រប់គ្រងគ្រោះមហន្តរាយខេត្តកំពតគិតត្រឹមរសៀលថ្ងៃទី២៧ ខែកញ្ញា ឆ្នាំ២០២២នេះ ស្ថានភាពទឹកក្នុងអាចមានកម្ពស់ ១៤៨,៦៩ម៉ែត្ររួចហើយ៕
