កម្ពុជាបើកការដ្ឋានសាងសង់សាលារដ្ឋជំនាញទេសចរណ៍បែបស្តង់ដាជាតិ និងអន្តរជាតិនៅភ្នំពេញ និងខេត្តព្រះសីហនុ | ផ្ទុះការតវ៉ាវ៉ៃផ្អើល! នៅរោងចក្រ Iphone ដ៏ធំមួយនៅប្រទេសចិនប្រឆាំងនឹងវិធានការកូវីដ-១៩ | ឈុតខ្លះនៃរឿងកូនប្រុសក្រោមពន្លឺព្រះច័ន្ទត្រូវបានសម្ដេចតេជោបញ្ចេញជូនសាធារណជនទស្សនាកម្សាន្ត |

ឡានដឹកទំនិញនឹងត្រូវហាមមិនឱ្យចូលសៀមរាបតាមផ្លូវមួយចំនួនដោយសារស្ថានភាពទឹកជំនន់

សៀមរាប៖ មន្ទីរសាធារណការនិងដឹកជញ្ជូនខេត្តសៀមរាប បានប្រកាសបិទផ្លូវមួយចំនួនក្នុងភូមិសាស្ត្រខេត្តសៀមរាបមិនឱ្យរថយន្តដឹកទំនិញធុនធ្ងន់ឆ្លងកាត់ដោយបារម្ភពីគ្រោះថ្នាក់ និងទប់ស្កាត់ការខូតខាតផ្លូវ។

ក្នុងសេចក្ដីជូនដំណឹងចុះថ្ងៃទី២២ ខែកញ្ញានេះ មន្ទីរសាធារណការបានសម្រេចបិទចរាចរណ៍រថយន្តដឹកទំនិញធុនធ្ងន់គ្រប់ប្រភេទ ជាបណ្តោះអាសន្នលើកំណាត់ផ្លូវជាតិលេខ ៦៤ (ដំដែក-ព្រះវិហារ), ផ្លូវជាតិលេខ៦៧ (សៀមរាប-អន្លង់វែង), ផ្លូវជាតិលេខ៦៨ (ក្រឡាញ់-ឧត្តរមានជ័យ), ផ្លូវខេត្តលេខ២៦៥E (រលួស-កំពង់ភ្លុក), ផ្លូវខេត្តលេខ២៦៦C (ស្វាយធំ-បន្ទាយស្រី), ផ្លូវខេត្តលេខ២៦៦F (ពួក-អង្គរជុំ), ផ្លូវខេត្តលេខ២៦៧៣ (អង្គរជុំ-វ៉ារិន), ផ្លូវខេត្ត លេខ២៦៧៦ (ទួលគ្រួស-តាសៀម), ផ្លូវខេត្តលេខ២៦៤៥ (ស្វាយលើ-ស្រែណូយ), ផ្លូវខេត្តលេខ៦២-៣ (បេងមាលា-ខ្វាវ) ជាបណ្តោះអាសន្ន ចាប់ពីថ្ងៃជូនដំណឹងនេះ រហូតដល់មានសេចក្តីជូនដំណឹងសារជាថ្មី។

មន្ទីរសាធារណការបញ្ជាក់ថា៖ «ដោយស្ថានភាពជំនន់ទឹកភ្លៀងបាន និងកំពុងជន់ឡើងយ៉ាងខ្លាំង ជាហេតុបណ្ដាលឱ្យលិចលង់នៅតាមកំណាត់ផ្លូវមួយចំនួន ក្នុងភូមិសាស្ត ខេត្តសៀមរាប ដែលស្ថានភាពបែបនេះធ្វើឱ្យផ្លូវ-ស្ពាន មិនអាចទ្រនឹងទម្ងន់របស់រថយន្តដឹកទំនិញធុនធ្ងន់ បានទេ»៕ 



ព័ត៌មានជាច្រើនទៀតសម្រាប់អ្នក