ភ្នំពេញ៖ នគរបាលរាជធានីភ្នំពេញ បានចុះបង្ក្រាបករណីជំរិតទារប្រាក់ដែលប្រព្រឹត្តដោយបុរសជនជាតិវៀតណាម ២រូបលើស្ត្រីជនជាតិវៀតណាម ១រូប នៅចំណុចសណ្ឋាគារមួយកន្លែងក្នុងខណ្ឌទួលគោក។
ប្រតិបត្តិការចុះបង្ក្រាបនេះធ្វើនៅថ្ងៃអង្គារ៍ ទី២០ ខែកញ្ញា ដែលឃាត់ខ្លួនជនសង្ស័យ៣នាក់មានឈ្មោះ NGUYEN VANTHIE ភេទប្រុស អាយុ៣៧ឆ្នាំ ឈ្មោះ LOU VAN CONG ភេទប្រុស អាយុ៤១ឆ្នាំ និងឈ្មោះ NGUYEN CAM GIANG ភេទស្រី អាយុ៣៤ឆ្នាំ។
ជនសង្ស័យទាំង៣ ត្រូវបានឃាត់ខ្លួនពាក់ព័ន្ធបង្ខាំងមនុស្ស ដោយខុសច្បាប់ប្រើទារុណកម្មជំរិតទារប្រាក់ និងប្រើប្រាស់ រក្សាទុកដោយខុសច្បាប់នូវសារធាតុញៀន។
ក្នុងប្រតិបត្តិការណ៍នេះក៏សង្គ្រោះបានស្ត្រីរងគ្រោះជាជនជាតិវៀតណាមម្នាក់ផងដែរ។
បច្ចុប្បន្នជនសង្ស័យ និងវត្ថុតាងខាងលើ កម្លាំងជំនាញការិយាល័យ កំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការបន្តតាមនីតិវិធីច្បាប់៕
ព័ត៌មានជាច្រើនទៀតសម្រាប់អ្នក
