ប្រធានសភាកម្ពុជាថ្វាយអំណរព្រះគុណព្រះមហាក្សត្រថៃដែលមានព្រះទ័យយកចិត្តទុកដាក់ដល់ពលករខ្មែរ | ក្រុមហ៊ុន Vietjet គ្រោងបង្កើតមជ្ឈមណ្ឌលជួសជុលនិងថែទាំ (MRO) យន្តហោះ និងពង្រឹងបន្ថែមទៀតនូវការតភ្ជាប់ការដឹកជញ្ជូនតាមផ្លូវអាកាសរវាងប្រទេសវៀតណាម និងឡាវ | អំឡុងពេលនៃយុទ្ធនាការរបស់ក្រសួងយុត្តិធម៌ គ្មានទេពាក្យថា “បុកគេស្លាប់ បង់លុយ ហើយរួចខ្លួន” | លោក ចូ បៃដិន ច្រឡំមាត់អញ្ជើញប្រធានាធិបតីអ៊ុយក្រែនលោក ហ្សឡេនស្គី ថាជាលោក​ ពូទីន | BREAKING NEWS: បាត់ឧទ្ធម្ភាគចក្រនៅភ្នំក្រវាញ អំឡុងពេលហ្វឹកហាត់ | BREAKING NEWS៖ ខ្មាន់កាំភ្លើងម្នាក់ និងអ្នកគាំទ្រម្នាក់បានស្លាប់ ក្នុងហេតុការណ៍ឆ្មក់បាញ់ប្រហារអតីតប្រធានាធិបតីអាមេរិក ដូណាល់ ត្រាំ | BREAKING៖ អតីតប្រធានាធិបតី ដូណាល់ ត្រាំ ត្រូវបានគេជម្លៀសយ៉ាងប្រញាប់ប្រញាល់ចេញពីវេទិកា | UPDATE: ការបាញ់ប្រហារនៅឯការប្រមូលផ្តុំគ្នារបស់ Trump នៅ Butler រដ្ឋ Pennsylvania៖ អតីតប្រធានាធិបតី Trump រងរបួស | UPDAT៖ ប្រធានាធិបតី Biden ឆ្លើយតបទៅនឹងការបាញ់ប្រហារនៅឯការជួបជុំ Trump | ព័ត៌មានទាន់ហេតុការណ៍៖ លោក Donald Trump ចេញសេចក្តីថ្លែងការណ៍ស្តីពីការបាញ់ប្រហាររបស់នៅរដ្ឋ Butler, PA | UPDATE: FBI បញ្ជាក់អត្តសញ្ញាណរូបថតខ្មាន់កាំភ្លើងបាញ់អតីតប្រធានធិបតី ដូលណាល់ ត្រាំ |

សម្ដេចតេជោដល់ជប៉ុនត្រៀមបន្តដំណើរទៅរដ្ឋអាឡាស្កាអាមេរិក

ជប៉ុន៖ យន្តហោះប្រតិភូកម្ពុជាដឹកនាំដោយនាយករដ្ឋមន្ត្រី សម្ដេចតេជោ ហ៊ុន សែន កំពុងចុះចាក់សាំងនៅទីក្រុងអូសាកាប្រទេសជប៉ុនបន្ទាប់ពីបានហោះចាកចេញពីកម្ពុជានៅម៉ោង៨ព្រឹកថ្ងៃទី២១ ខែកញ្ញានេះ។

សម្ដេចតេជោ ហ៊ុន សែន បានឱ្យដឹងតាមហ្វេសបុកផេករបស់សម្ដេចនៅរសៀលថ្ងៃទី២១ ខែកញ្ញានេះថា៖ «កំពុងចុះចាក់សាំងនៅ OSAKA ប្រទេសជប៉ុនបន្ទាប់មកត្រូវហោះទៅ Alaska សហរដ្ឋអាមេរិកដែលត្រូវចំណាយពេល ៦ម៉ោងនិង៥៤នាទីទៀត»។

សេចក្ដីប្រកាសព័ត៌មានរសៀលថ្ងៃទី១៩ ខែកញ្ញា ក្រសួងការបរទេស និងសហប្រតិបត្តិការអន្តរជាតិបានឱ្យដឹងថា សម្ដេចតេជោនាយករដ្ឋមន្រ្តី ហ៊ុន សែន នឹងអញ្ជើញចូលរួមសម័យប្រជុំលើកទី៧៧ នៃកិច្ចពិភាក្សាទូទៅរបស់មហាសន្និបាតអង្គការសហប្រជាជាតិ (មសអសប) ក្រោមប្រធានបទ «ចំណុចរបត់សំខាន់នៃការផ្លាស់ប្ដូរមិនអាចត្រឡប់ក្រោយបាន៖ ដំណោះស្រាយបរិវត្តកម្មចំពោះបញ្ហាប្រឈមប្រទាក់ក្រឡាគ្នា»

គួរឱ្យដឹងថា មហាសន្និបាតនេះនឹងប្រព្រឹត្តទៅចាប់ពីថ្ងៃទី២១ ដល់ទី២៣ ខែកញ្ញា ឆ្នាំ២០២២ នៅទីក្រុងញូវយ៉ក។

សេចក្ដីប្រកាសព័ត៌មានដដែលឱ្យដឹងថា ក្នុងឱកាសនេះ សម្ដេចតេជោ ហ៊ុន សែន នឹងឡើងធ្វើសេចក្ដីថ្លែងការណ៍ជាតិរបស់កម្ពុជា ដោយសម្ដេចនឹងលើកឡើងពីតួនាទីស្ថាបនារបស់កម្ពុជាក្នុងកិច្ចគាំទ្រពហុភាគីនិយមផ្អែកលើការគោលការណ៍ច្បាប់ រួមមាន ការរួមសហការគ្នាប្រយុទ្ធប្រឆាំងនឹងការគំរាមកំហែងផ្នែកសុខភាពជាសកលដែលកំពុងបន្តកើតមាន ការប្រែប្រួលអាកាសធាតុ ការពង្រឹងប្រព័ន្ធពាណិជ្ជកម្មពហុភាគី គោលនយោបាយឌីជីថលនិងសេដ្ឋកិច្ចបៃតង ក៏ដូចជាការធ្វើជាប្រធានអាស៊ានរបស់កម្ពុជានិងកិច្ចខិតខំប្រឹងប្រែងរបស់កម្ពុជាក្នុងការកាត់បន្ថយជំងឺរាតត្បាតកូវីដ-១៩ និងការរក្សាបាននូវនិរន្តភាពនៃកំណើនសេដ្ឋកិច្ច-សង្គមយូរអង្វែងថែមទៀតផង។

គួរបញ្ជាក់ថា ក្រៅពីការអញ្ជើញចូលរួមក្នុងមហាសន្និបាតនេះ នាយករដ្ឋមន្ត្រីសម្ដេចតេជោ ហ៊ុន សែន ក៏នឹងត្រូវបំពេញទស្សនកិច្ចផ្លូវការនៅសាធារណរដ្ឋគុយបា និងចូលរួមពិធីបុណ្យសពថ្នាក់ជាតិរបស់អតីតនាយករដ្ឋមន្ត្រីជប៉ុន លោក អាបេ ស៊ីនហ្សូ ផងដែរ ដោយការធ្វើដំណើរនេះគិតចាប់ពីថ្ងៃទី២១ ដល់ថ្ងៃទី២៨ ខែកញ្ញា ឆ្នាំ២០២២ ខាងមុខនេះ៕



ព័ត៌មានជាច្រើនទៀតសម្រាប់អ្នក