សម្តេចតេជោ ហ៊ុន សែន ៖ ដើម្បីធានាសុវត្ថិភាពសម្រាប់មេដឹកនាំមុនចូលប្រជុំ ត្រូវធ្វើតេស្តទាំងអស់គ្នារាប់ទាំងប្រធានាធិបតីឥណ្ឌូនេស៉ីផងដែរ
(ភ្នំពេញ) ៖ "ដោយសារតម្រូវការនៃវិធានការសុខាភិបាលរបស់ឥណ្ឌូនេស៉ីដែលជាម្ចាស់ផ្ទះនៃកិច្ចប្រជុំកំពូលអាស៊ាន ខ្ញុំសម្រេចចេញដំណើរទៅហ្សាកាតានៅម៉ោង ១៣រសៀល ថ្ងៃ២៣ មេសា ២០២១"។ នេះគឺជាសំណេរក្នុងទំព័រហ្វេសបុកផ្លូវការរបស់សម្តេចសម្តេចជោ នាយករដ្ឋមន្ត្រីនៃព្រះរាជាណាចក្រកម្ពុជា នៅព្រឹកថ្ងៃទី២១ ខែមេសា ឆ្នាំ២០២១នេះ។
សម្តេចតេជោនាយករដ្ឋមន្ត្រីបានសរសេរបញ្ជាក់ថា សម្តេចត្រូវធ្វើតេស្តនៅថ្ងៃស្អែក ទី២២ ខែមេសា ឆ្នាំ២០២១នៅកម្ពុជា និងធ្វើតេស្តម្តងទៀតនៅឥណ្ឌូនេស៉ីថ្ងៃ២៣ ខែមេសា ឆ្នាំ២០២១។
សម្តេចតេជោ នាយករដ្ឋមន្ត្រី បានបន្តទៀតថា "ដើម្បីធានាសុវត្ថិភាពសម្រាប់មេដឹកនាំមុនចូលប្រជុំ ត្រូវធ្វើតេស្តទាំងអស់គ្នារាប់ទាំងប្រធានាធិបតីឥណ្ឌូនេស៉ីផងដែរ"៕
