ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន សង្ឃឹមថានឹងមានចៅទួតនាពេលខាងមុខ ស្របពេលដែលបង្ហាញពីអារម្មណ៍មនោសញ្ចេតនាចំពោះចៅៗ។
សម្ដេចតេជោបានបង្ហោះលើហ្វេសប៊ុកផេករបស់សម្ដេចនូវរូបថតសម្ដេចជាមួយចៅៗចំនួន ២០សន្លឹក នាល្ងាចថ្ងៃទី១០ ខែកញ្ញានេះ ដោយអមនូវសំណេរយ៉ាងដូច្នេះថា៖ «កាលចៅនៅពីតូចចៅដណ្តើមគ្នាឱ្យតាពរ ឬឱ្យតាដឹកដៃ ឬដណ្តើមគ្នាមកនៅជិតតា។ ពេលចៅធំចៅកាន់តែឃ្លាតឆ្ងាយពីតាដោយចៅជាប់រៀនសូត្រ។ ចៅកាន់តែកើនអាយុតាយាយកាន់តែចាស់នេះជា ក្រិតក្រមធម្មជាតិ កើត ចាស់ ឈឺស្លាប់ តែតាសង្ឃឹមថានឹងបានពរចៅទួតនាពេលខាងមុខទៀត» ។
បច្ចុប្បន្ននាយករដ្ឋមន្ត្រីកម្ពុជា សម្ដេចតេជោ ហ៊ុន សែន មានបុត្រា បុត្រី ចំនួន ៥នាក់ និងមានចៅបង្កើតចំនួន ២២នាក់៕