ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

កម្ពុជាបង្កើតសម្រាមជាង៤លានតោនក្នុងមួយឆ្នាំក្នុងនោះមានតាំងពាក់កណ្ដាលប៉ុណ្ណោះដែលត្រូវបានប្រមូលទៅទីលានចាក់សម្រាម

  • ចុះផ្សាយថ្ងៃទី៣០ ខែសីហា ឆ្នាំ២០២២ ម៉ោង ១៧:១៥ នាទី ដោយ Hun Sirivadh
  • 2519
  Aa |   aA

ភ្នំពេញ៖ រដ្ឋលេខាធិការ និងជាអ្នកនាំពាក្យក្រសួងបរិស្ថាន លោក នេត្រ ភក្ត្រា បានឱ្យដឹងថាក្នុងមួយឆ្នាំកម្ពុជាបង្កើតសម្រាមបានជាង ៤លានតោន ដែលមានអត្រាកំណើនពី១០ ទៅ ១២ភាគរយ ពីមួយឆ្នាំទៅមួយឆ្នាំ។ បើតាមលោក នេត្រ ភក្ត្រា មានតែ ៥០ភាគរយនៃសម្រាមប៉ុណ្ណោះដែលត្រូវបានប្រមូលទៅចោលនៅទីលានចាក់សម្រាម។

ថ្លែងក្នុងសន្និសីទសារព័ត៌មាននៅទីស្ដីការគណរដ្ឋមន្ត្រីព្រឹកថ្ងៃអង្គារ៍ ទី៣០ ខែសីហានេះ លោក នេត្រ ភក្រ្តា បានលើកឡើងថា សំណល់ភាគច្រើនជាសំណល់សរីរាង្គដែលមានជាង៦០% និងប្លាស្ទិកជាង ៣០%។ លោកបានបន្ថែមថាក្នុងចំណោមសម្រាមដែលត្រូវបោះចោលទាំងនោះមានតែ ៥០ភាគរយប៉ុណ្ណោះដែលត្រូវយកទៅចាក់នៅតាមទីតាំងចាក់សម្រាមទាំង ២៤៣ ក្នុងនោះទីលានរបស់រដ្ឋមាន ១៦២ ក្រៅពីនេះសម្រាម ៥០%ទៀតត្រូវបានពលរដ្ឋបោះចូលប្រភពទឹក ដុតចោល និងបោះចោលពាសវាលពាសកាល។

លោកបន្ថែមថា៖ «ក្នុងមួយថ្ងៃៗសំណល់ដែលត្រូវបានយកទៅចាក់នៅទីលានសរុបប្រចាំថ្ងៃគឺប្រមាណជា ៥៥១៧តោន ហើយនៅក្នុងមួយឆ្នាំគឺប្រមាណជាជាង ២លានតោន»។

លោកថា បច្ចុប្បន្នក្រសួងបរិស្ថាន និងដៃគូសហការកំពុងពិនិត្យលើលទ្ធភាពក្នុងការរៀបចំទីតាំងចាក់សម្រាមដែលមានអនាម័យនិងមានបច្ចេកទេសទំនើបផងដែរ។

អនុរដ្ឋលេខាធិការក្រសួងបរិស្ថានទទួលបន្ទុកកិច្ចការរៀបចំសម្រាមលោក ហេង ណារ៉េត បានប៉ាន់ប្រមាណថានៅក្នុងអំឡុង១០ទៅមុខចំនួនសម្រាមនឹងកើនឡើងដល់៩លានតោនក្នុងមួយឆ្នាំ ដូច្នេះហើយរដ្ឋកំពុងរៀបចំគោលនយោបាយគ្រប់គ្រងសំរាមធ្វើយ៉ាងណាឱ្យការទុកដាក់សម្រាមបានត្រឹមត្រូវនឹងមានប្រសិទ្ធភាព។

លោកបន្ថែមថាបច្ចុប្បន្ន ក្រសួងមានវិធានការចម្រុះថ្មីក្នុងការរៀបចំសម្រាមដោយប្រើយុទ្ធសាស្ត្រ កែច្នៃ ទាញយកថាមពល ប្រព្រឹត្តិកម្ម និងទុកដាក់ឱ្យសម្រាមឱ្យបានត្រឹមត្រូវបំផុត (ប្រើប្រាស់ឱ្យអស់លទ្ធភាព)។

លោកថា៖ «ទន្ទឹមនឹងក្រាហ្វិកនៃការកើនឡើងសម្រាមរឹងយើងក៏គិតផងដែរពីការបង្កើនការកែច្នៃនិងការទាញយកធនធាននេះឱ្យបានឡើងទៅទន្ទឹមគ្នាដើម្បីឱ្យសម្រាមសំណល់រឹងដែលត្រូវយកទៅចាក់ចោលចុងក្រោយនេះគឺនៅតិចបំផុត»។

បើតាមលោក ហេង ណារ៉េត បញ្ហាដែលបណ្ដាលឱ្យមានការកកើនឡើងសម្រាមគឺដោយសារភាពសំបូរបែបរបស់ប្រជាជនតាមរយៈកំណើនសេដ្ឋកិច្ច និងកំណើនប្រជាពលរដ្ឋដែលកើនឡើងជារៀងរាល់ឆ្នាំ៕ 


ព័ត៌មានជាច្រើនទៀតសម្រាប់អ្នក