ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

កាកបាទក្រហមផ្ដល់អំណោយជាលើកទី៣ គាំទ្រដល់អង្គការផ្ទះបាយកុមារ

  • ចុះផ្សាយថ្ងៃទី២៦ ខែសីហា ឆ្នាំ២០២២ ម៉ោង ១២:០៤ នាទី ដោយ Hun Sirivadh
  • 2314
  Aa |   aA

ភ្នំពេញ៖ កាកបាទក្រហមកម្ពុជាបានផ្ដល់អំណោយជាលើកទី៣ ដល់អង្គការផ្ទះបាយកុមារដើម្បីគាំទ្រដល់កុមារកំព្រា កុមារក្នុងគ្រួសារក្រីក្រ កុមារផ្ទុកមេរោគអេដស៍ កុមាររើសអេតចាយ ប្រមាណ ២៨០នាក់ ស្ថិតនៅបរិវេណសាលាបឋមសិក្សាជ័យជំនះ ក្នុងសង្កាត់បឹងកេងកង៣ ខណ្ឌបឹងកេងកង រាជធានីភ្នំពេញ កាលពីថ្ងៃទី២៥ ខែសីហា ឆ្នាំ២០២២។

អគ្គលេខាធិការរងកាកបាទក្រហមកម្ពុជា លោកស្រី ម៉ែន នារីសោភ័គ បានសម្ដែងនូវក្ដីសប្បាយរីករាយដែលបានឃើញនួវការយកចិត្តទុកដាក់របស់អង្គការចំពោះកុមាររងគ្រោះ និងងាយរងគ្រោះទាំងនេះ។ លោកស្រីបញ្ជាក់ថាកាកបាទក្រហមនៅតែបន្តគាំទ្រ និងជួយដល់ជនងាយរងគ្រោះបន្តទៀតផងដែរ។

លោកស្រីថ្លែងថា៖ «យើងដឹងហើយស្រាប់ហើយដែលកាកបាទក្រហមកម្ពុជាតែងបានទទួលថវិការពីសប្បុរសជននៅក្នុងទិវាពិភពលោកកាកបាទក្រហម អឌ្ឍចន្ទក្រហម ៨ ឧសភា។ អញ្ចឹងទេ នៅក្នុងការដែលយើងបានទទួលថវិការមកនេះយើងតែមានសកម្មភាពជួយដល់បងប្អូនប្រជាពលរដ្ឋដែលងាយរងគ្រោះបំផុត ហើយនៅទីនេះគឺអាចហៅបានថាងាយរងគ្រោះបំផុតហើយ»។

ប្រធានអង្គការផ្ទះបាយកុមារ លោក ង៉ូវ ឈីវ បានថ្លែងអំណរគុណចំពោះកាកបាទក្រហមកម្ពុជាដែលបានគិតគូរពីសុខទុក្ខព្រមទាំងបានឧបត្ថម្ភនូវថវិកា និងគ្រឿងឧបភោគបរិភោគជាបន្តបន្ទាប់។

លោកបានបញ្ជាក់ពីគោលបំណងរបស់អង្គការផ្ទះបាយកុមារ៖ «គឺជួយដល់កុមារទុរគតទាំងឡាយឱ្យទទួលបានការហូបចុកគ្រប់គ្រាន់ ជៀសផុតពីជំងឺនានា ហើយទទួលបានការសិក្សារៀនសូត្រ និងជៀសផុតពីគ្រឿងញៀន។ ជាក់ស្តែង មានយុវជនជាច្រើននាក់ដែលធ្លាប់ជ្រកក្រោមដំបូលអង្គការផ្ទះបាយកុមារ បានចូលរៀនដល់ថ្នាក់មហាវិទ្យាល័យ មានការងារធ្វើសមរម្យ ហើយមានអ្នកខ្លះទៀត ក៏បានស្ម័គ្រចិត្តមកជួយដល់កុមារតូចៗជំនាន់ក្រោយនៅក្នុងអង្គការផងដែរ»។

អំណោយដែលកាកបាទក្រហមកម្ពុជាផ្តល់ជូនដល់អង្គការផ្ទះបាយកុមារនៅពេលនេះរួមមានគ្រឿងឧបភោគបរិភោគ សម្ភារប្រើប្រាស់ និងថវិកាចំនួន ១០លានរៀល អង្ករ ៣តោន និងគ្រឿងឧបភោគបរិភោសំខាន់ៗជាច្រើនទៀត។ ដោយឡែក អនុសាខាកាកបាទក្រហមកម្ពុជា ខណ្ឌបឹងកេងកង បានឧបត្ថម្ភបន្ថែមនូវអង្ករចំនួន ១០០គីឡូក្រាម មី ១០កេស និងទឹកបរិសុទ្ធ ១០កេសផងដែរ៕


ព័ត៌មានជាច្រើនទៀតសម្រាប់អ្នក