បន្ទាយមានជ័យ៖ សត្វគោរបស់កសិករថៃបានដើរចូលព្រំដែនកម្ពុជា-ថៃ ជាន់មីនផ្ទុះផ្អើលប្រជាពលរដ្ឋកាលពីម៉ោងជិត២រសៀល ថ្ងៃទី២៥ ខែសីហា ឆ្នាំ២០២២ នៅចំណុចបន្ទាត់ព្រំដែនកម្ពុជា-ថៃ ស្រុកស្វាយចេក ខេត្តបន្ទាយមានជ័យ។
តាមការឱ្យដឹងរបស់នគរបាលការពារព្រំដែនគោកលេខ៩១១ ឱ្យដឹងថា ហេតុការណ៍នោះបានផ្ទុះសម្លាប់គោមួយក្បាលក្នុងចំណោមហ្វូងដែលចូលស៊ីស្មៅនោះ នៅជិតព្រំដែនកម្ពុជា-ថៃ មុខភូមិសាស្ត្រភូមិល្បើកស្វាយ ឃុំ /ស្រុកស្វាយចេក ខេត្តបន្ទាយមានជ័យ (ខាងកម្ពុជា) ទល់មុខភូមិណងយ៉ាកែវ ឃុំ/ស្រុកឃោគស៊ូង ខេត្តស្រះកែវ (ខាងថៃ)។
មេបញ្ជាការនគរបាលការពារព្រំដែនគោកលេខ៩១១ លោកវរសេនីយ៍ឯក សូ ចាន់ណារី បានបន្តឱ្យដឹងថា៖ «ផ្ទុះងាប់គោ ១ក្បាល ខ្ទេចខ្លួនសល់ក្បាល។ រីឯគោផ្សេងទៀតនាបានផ្អើលរត់ចេញក្រៅចំការមីនអស់ ចំពោះម្ចាស់គោ និងកម្លាំងសមត្ថកិច្ចមិនអាចចូលដល់ចំណុចនេះឡើយ ព្រោះកន្លែងនេះជាតំបន់ចំការមីន (រ៉បបន្ទាត់ព្រំដែន)»៕
