(ភ្នំពេញ)៖ មនុស្សចំនួន ៤៣១នាក់ ត្រូវបានរកឃើញថាមានវិជ្ជមានវីរុសកូវីដ-១៩ ឯអ្នកជំងឺ ចំនួន ៣១នាក់ទៀតបានជាសះស្បើយចេញពីមន្ទីរពេទ្យ នៅថ្ងៃទី១៩ ខែមេសា ឆ្នាំ២០២១ បន្ទាប់ពីបានធ្វើតេស្តឃើញអវិជ្ជមានចំនួន២លើក ប៉ុន្តែត្រូវបន្តធ្វើចត្តាឡីស័ក១៤ថ្ងៃ ដើម្បីតាមដានសុខភាព។ នេះបើតាមសេចក្តីប្រកាសព័ត៌មានក្រសួងសុខាភិបាល នៅព្រឹកថ្ងៃទី២០ ខែមេសា ឆ្នាំ២០២១។

មនុស្សនៅក្នុងរាជធានីភ្នំពេញចំនួន ២៧១នាក់ត្រូវបានរកឃើញថាមានវិជ្ជមានវីរុសកូវីដ១៩ ស្របពេលដែលមនុស្សរស់នៅក្នុងេត្តព្រះសីហនុចំនួន ១៣៣នាក់ ខេត្តកណ្តាល ចំនួន ១០នាក់ ខេត្តតាកែវចំនួន ០៤នាក់ ខេត្តកំពង់ចាមចំនួន ០៤នាក់ ខេត្តព្រៃវែងចំនួន ០២នាក់ ខេត្តកំពង់ធំចំនួន ០១នាក់ ខេត្តកំពតចំនួន ០១នាក់ ខេត្តត្បូងឃ្មុំចំនួន ០១នាក់ ខេត្តស្វាយរៀងចំនួន ០១នាក់ ខេត្តកំពង់ឆ្នាំងចំនួន ០១នាក់ ព្រមទាំងអ្នកដំណើរចូលមកកម្ពុជានិងអ្នកឆ្លងបន្តនៅក្នុងប្រទេសថ្មី ២នាក់ក៏ត្រូវបានរកឃើញថាមានវីរុសកូវីដ-១៩។

គិតត្រឹមថ្ងៃទី២០ ខែមេសា ឆ្នាំ២០២១នេះ កម្ពុជាបានរកឃើញអ្នកឆ្លងសរុបចំនួន ៧ ៤៤៤នាក់ ក្នុងនោះករណីសហគមន៍២០កុម្ភៈ ចំនួន ៦ ៨៩៩នាក់, អ្នកជាសះស្បើយចំនួន ២ ៥៥៥នាក់, អ្នកកំពុងសម្រាកព្យាបាលចំនួន ៤ ៨៣៥នាក់, អ្នកស្លាប់ដោយសារជំងឺកូវដ-១៩ មានចំនួន ៤៩នាក់៕