ភ្នំពេញ: លទ្ធផលនៃផ្លូវការនៃការបោះឆ្នោតជ្រើសរើសក្រុមប្រឹក្សាឃុំសង្កាត់បង្ហាញថាគណបក្សប្រជាជនកម្ពុជាទទួលបានអាសនៈសរុបចំនួន ៩ ៣៧៦ ដែលក្ដោបក្ដាប់មេឃុំបានចំនួន ១ ៦៤៨ឃុំ-សង្កាត់ ច្រើនដាច់គេ។
ក្រៅពីគ្រប់គ្រង់ឃុំសង្កាត់បាន ១ ៦៤៨ ឃុំ សង្កាត់ គណបក្សនេះក៏គ្រប់គ្រងជំទប់ទី១ ចំនួន ១ ៦១៨ឃុំសង្កាត់ ជំទប់ទី២ ចំនួន ២៦១ ឃុំសង្កាត់។
ខណៈគណបក្សភ្លើងទៀនកាន់តំណែងមេឃុំបាន ៤ឃុំ ជំទប់ទី១ បាន ២៥ឃុំសង្កាត់ និងជំទប់ទី២ បាន ១ ៣៦០ឃុំសង្កាត់។
ក្រៅពីគណបក្សទាំង២នេះ នៅមានគណបក្សចំនួន៧ទៀតដែលទទួលបានអាសនៈក្នុងការបោះឆ្នោតឃុំសង្កាត់នេះដែរ រួមមានបក្សហ៊្វុនស៊ិនប៉ិច បាន ៤ជំទប់ទី១ និង១២ជំទប់ទី២ គណបក្សខ្មែររួបរួមជាតិ បាន១ជំទប់ទី១ និង១០ជំទប់ទី២។
គណបក្សប្រជាធិបតេយ្យមូលដ្ឋានបាន ២ជំទប់ទី១ និង២ជំទប់ទី២ គណបក្សខ្មែរស្រលាញ់ជាតិ បាន ២ជំទប់ទី១ និង២ជំទប់ទី២ គណបក្សយុវជនកម្ពុជា បាន៣ជំទប់ទី២ គណបក្សកម្ពុជានិយមបាន ១ជំទប់ទី២ និងបក្សសំបុកឃុំសង្គមប្រជាធិបតេយ្យទទួលបាន ១ជំទប់ទី២៕
ព័ត៌មានជាច្រើនទៀតសម្រាប់អ្នក
