ភ្នំពេញ៖ តម្លៃប្រេងឥន្ទនៈដែលដាក់លក់នៅលើទីផ្សារពីថ្ងៃទី២១ ដល់ថ្ងៃទី៣០ ខែមិថុនា មានតម្លៃ ៥ ៨០០រៀលសម្រាប់សាំងធម្មតា និង ៦ ៣០០រៀល សម្រាប់ប្រេងម៉ាស៊ូត។ តម្លៃនេះនៅធម្មតាដដែលសម្រាប់សាំងធម្មតា តែឡើង២០០រៀលសម្រាប់ប្រេងម៉ាស៊ូត។
ក្នុងសេចក្ដីជូនដំណឹងចុះថ្ងៃអង្គារ៍ ទី២១ ខែមិថុនា ក្រសួងពាណិជ្ជកម្មបញ្ជាក់ថា តម្លៃនេះគឺឡើងចុះទៅតាមប្រេងតាមទីផ្សារអន្តរជាតិមកគណនាតាមប្រកាសដូចមានក្នុងឯកសារយោងដែលបានដាក់ជូនប៉ុណ្ណោះ។
បើពិនិត្យលើបម្រែបម្រួលតម្លៃប្រេងឱ្យឃើញថាកាលពីថ្ងៃទី១ ខែឧសភា សាំងធម្មតាមានតម្លៃ ៥ ២៥០រៀលក្នុងមួយលីត្រ និងប្រេងម៉ាស៊ូតមានតម្លៃ ៥ ៦០០រៀលក្នុងមួយលីត្រ និងបានបន្តឡើងចុះតម្លៃជាបន្តបន្ទាប់រហូតមកដល់តម្លៃចុងក្រោយនៅថ្ងៃនេះ៕
ព័ត៌មានជាច្រើនទៀតសម្រាប់អ្នក
