ត្បូងឃ្មុំ៖ អាចថាជាលើកដំបូងដែលចេញពីមាត់នាយករដ្ឋមន្ត្រីវៀតណាមបានថ្លែងអរគុណមកកម្ពុជាដែលបានជួយឲ្យវៀតណាមទទួលបានឯករាជ្យនៅឆ្នាំ១៩៧៥ រហូតមកដល់បច្ចុប្បន្ន។

ថ្លែងក្នុងខួប៤៥ឆ្នាំនៃដំណើរឆ្ពោះទៅរកការសង្គ្រោះជាតិ នៅតំបន់កោះថ្ម ក្នុងខេត្តត្បូងឃ្មុំ នៅព្រឹកថ្ងៃទី២០ ខែឧសភា ឆ្នាំ២០២២នេះ នាយករដ្ឋមន្ត្រីវៀតណាម លោក ផាម មីងជីញ បានលើកឡើងពីប្រវត្តិសាស្ត្រទំនាក់ទំនងដ៏យូរអង្វែងរវាងកម្ពុជាវៀតណាមតើលោកថាជាទំនាក់ទំនងដោយផ្ដល់ប្រយោជន៍និងជួយគ្នាទៅវិញទៅមក។ លោកបានលើកឡើងអំពីការចូលរួមជួយវៀតណាមដល់កម្ពុជាក្នុងការប្រឆាំងរបបអាណានិគមបរទេសឈ្លានពាន និងការជួយពីកម្ពុជាឲ្យវៀតណាមបានឯករាជ្យរួបរួមគ្នាក្នុងឆ្នាំ១៩៧៥។

លោកក៏បានរំឮកពីការកកម្លាំង និងប្រើទឹកដីកម្ពុជាវាយផ្ដួលរលំវៀតណាមខាងត្បូងផងដែរ។

លោកថា៖ «អ្នកសេ្នហាជាតិ បដិវត្តន៍កម្ពុជា បានលះបង់សាច់ស្រស់ឈាមស្រស់ ជួយដល់ប្រជាជនវៀតណាមដែលមានទំនៀមទម្លាប់ស្មោះស្ម័គ្រ និងសេចក្ដីស្រលាញ់។ ប្រជាជនវៀតណាមតែងចង់ចាំរឿងនេះនឹងផ្ដល់ឲ្យប្រជាជនកម្ពុជានៅមនោសញ្ជេតនាដ៏ល្អប្រសើរ ដ៏ស្មោះស្ម័គ្រនឹងក្ដីស្រលាញ់»។

លោកបានអរគុណដល់រដ្ឋាភិបាលកម្ពុជា និងប្រជាជនកម្ពុជាដែលបានជួយដលើវៀតណាមបានឯករាជ្យ និងទទួលបានការអភិវឌ្ឍន៍ដល់សព្វថ្ងៃ។

វៀតណាមបានទទួលឯករាជ្យពីបារាំងនៅថ្ងៃទី២ ខែកញ្ញា ឆ្នាំ១៩៤៥ ទោះជាយ៉ាងណាដោយឥទ្ធិពលសង្គ្រាមត្រជាក់នៅឆ្នាំ១៩៥៥ ប្រទេសបានបែកខ្ញែកជាពីរដោយវៀតណាមខាងជើងគ្រប់គ្រងបែបកុំម្មុយនីស្តតាមសហភាពសូវៀត និងខាងត្បូងគ្រប់គ្រងតាមបែបសេរីតាមបែបអាមេរិក។ ទោះជាយ៉ាងណាដោយមានការជួយពីសម្ដេចព្រះនរោត្តម សីហនុ បានដល់វៀតណាមខាងជើងឱ្យប្រើប្រាស់ទឹកដីកម្ពុជាក្នុងការប្រយុទ្ធដើម្បីបង្រួបបង្រួមជាតិនោះ បានធ្វើឱ្យកងទ័ពវៀតណាមខាងជើងវាយឈ្នះដណ្ដើមគ្រប់គ្រងវៀតណាមខាងត្បូងបានទាំងមូលមានការបង្រួបបង្រួមជាតិឡើងវិញនៅថ្ងៃទី៣០ ខែមេសា ឆ្នាំ១៩៧៥។

នៅចុងឆ្នាំ១៩៧៨ វៀតណាមបានបញ្ជូនកងទ័ពស្ម័គ្រចិត្តរបស់ខ្លួនចូលរួមជាមួយរណសិរ្សសាមគ្គីសង្គ្រោះជាតិកម្ពុជាដើម្បីវាយផ្ដូលរំលំរបបប្រល័យពូជសាសន៍ខ្មែរក្រហម ដែលធ្វើឱ្យកម្ពុជាអាចធានាដល់សិទ្ធរស់រានមានជីវិតឡើងវិញដែលជាចំណុចចាប់ផ្ដើមនៃការអភិវឌ្ឍន៍ជាតិដល់សព្វថ្ងៃនេះ៕

^{PHOTO: ហ៊ុន យុទ្ធគុណ}