ភ្នំពេញ៖ នាយករដ្ឋមន្ត្រីកម្ពុជា និងជាប្រធានគណបក្សប្រជាជនកម្ពុជា សម្ដេចតេជោ ហ៊ុន សែន បានថ្លែងអំណរគុណដល់ពលរដ្ឋដែលបានចេញទៅបោះឆ្នោត និងបោះឆ្នោតគាំទ្រដល់គណបក្សប្រជាជន។ សម្ដេចថាការបន្តការគាំទ្រពីពលរដ្ឋមកលើបក្សប្រជាជនគឺមានន័យថាពលរដ្ឋគាំទ្រដល់សន្ដិភាព និងការអភិវឌ្ឍ។

សម្ដេចតេជោថ្លែងថា ក្នុងការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ កាលពីថ្ងៃទី៥ ខែមិថុនា ឆ្នាំ២០២២កន្លងទៅ គណបក្សប្រជាជនទទួលបានការគាំទ្រពីពលរដ្ឋជាង៧០ភាគ ធ្វើជាមេឃុំ-ចៅសង្កាត់ ៩៩ភាគរយ និងតំណែងក្រុមប្រឹក្សាឃុំសង្កាត់ជាង ៨០ភាគរយ ដែលចំនួននេះបានបង្ហាញនូវការគាំទ្រយ៉ាងច្រើនដល់គណបក្សប្រជាជនគឺដូចជាការគាំទ្រដល់គោលនយោបាយរបស់គណបក្សដែលគាំទ្រដល់សន្ដិភាព និងការអភិវឌ្ឍ។

សម្ដេចតេជោថ្លែងបែបនេះក្នុងពិធីបិទវគ្គបណ្ដុះបណ្ដាលឆ្នាំ២០២០-២០២១ និងវគ្គបណ្ដុះបណ្ដាលឆ្នាំ២០២២ របស់សាលាភូមិន្ទរដ្ឋបាល នៅព្រឹកថ្ងៃច័ន្ទ ទី១១ ខែមិថុនា ឆ្នាំ២០២២៕