នាយករដ្ឋមន្ត្រីអញ្ជើញទទួលទានអាហារពេលព្រឹកជាមួយប្រធានរដ្ឋវៀតណាម | រដ្ឋបាលខេត្តព្រះវិហារបញ្ជាឱ្យផ្អាកការធ្វើចរាចរណ៍លើកំណាត់ផ្លូវជាតិលេខ៩ ក្នុងស្រុកឆែប | ប្រធានអាស៊ាន និងប្រធានក្រុមប្រឹក្សាអឺរ៉ុបពិភាក្សាពីបញ្ហាអ៊ុយក្រែន | ភ្ញៀវទេសចរណ៍ធ្វើដំណើរទៅកម្សាន្តបន្ទាយមានជ័យក្នុងពិធីបុណ្យភ្ជុំបិណ្ឌកើនជិត៣ម៉ឺននាក់ | នាយករដ្ឋមន្ត្រីកម្ពុជាអញ្ជើញគោរពលា លោក ស៊ិនហ្សូ អាបេ ជាចុងក្រោយ | ចម្រៀង ជីវិតក្មេងវត្ត នឹងត្រូវបើកសម្ពោធចាក់បញ្ចាំងនៅថ្ងៃទី២៨ កញ្ញា | ជប៉ុនចង់ពង្រឹងកិច្ចសហប្រតិបត្តិការសេដ្ឋកិច្ចនិងសន្តិសុខជាមួយកម្ពុជា | បេសកម្មរាប់ម៉ឺនគីឡូម៉ែត្រក្នុងខែកញ្ញារបស់នាយករដ្ឋមន្ត្រីបានបញ្ចប់ | ទស្សនាការផ្សាយបន្តផ្ទាល់: ការបើកសម្ពោធចាក់បញ្ចាំងចម្រៀង ជីវិតក្មេងវត្ត |

ផ្លាកលេខយានជំនិះបាក់ រហែក រលុបអក្សរ ឬលេខ ឬត្រូវប្តូរថ្មី ត្រូវការឯកសារអ្វីខ្លះដើម្បីប្តូរបានផ្លាកលេខថ្មី?

    Aa |   aA

ភ្នំពេញ៖ ក្រសួងសាធារណការបញ្ជាក់ថា រាល់ផ្លាកលេខយានជំនិះដែលបាក់ រហែក រលុបអក្សរឬលេខ ឬត្រូវប្តូរថ្មី អាចធ្វើការស្នើសុំប្តូរផ្លាកលេខថ្មីបាន ប៉ុន្តែរក្សាស៊េរី និងលេខនៅដដែល។

ក្រសួងក៏បញ្ជាក់ផងដែរថា៖ «ចំពោះផ្លាកលេខ ដែលរលុប ឬឆ្កូតតិចតួចអាចកំណត់អត្តសញ្ញាណយានជំនិះបាន មិនតម្រូវឱ្យធ្វើការប្តូរនោះទេ»។

ចំពោះការស្នើសុំប្ដូរបណ្ណ និង/ឬផ្លាកលេខសម្គាល់យានជំនិះដែលជាកម្មសិទ្ឋិរូបវន្តបុគ្គល ឬក្រុមហ៊ុន ត្រូវបំពេញបែបបទ និងភ្ជាប់ជាមួយនូវសំណុំឯកសារ ពាក្យស្នើសុំ អត្តសញ្ញាណម្ចាស់កម្មសិទ្ឋិករណី ច្បាប់ថតចម្លងអត្តសញ្ញាណប័ណ្ណសញ្ជាតិខ្មែរដែលមានបញ្ជាក់ពីស្ថាប័នមានសមត្ថកិច្ច។ ចំពោះជនបរទេស ត្រូវច្បាប់ថតចម្លងលិខិតឆ្លងដែន និងទិដ្ឋាការមានសុពលភាព ដោយមានផ្តិតស្នាមមេដៃរបស់សាម៉ីខ្លួន និងច្បាប់ដើមលិខិតបញ្ជាក់ទីលំនៅបច្ចុប្បន្នចេញដោយស្ថាប័នមានសមត្ថកិច្ច។

ចំពោះយាន្តយន្តដែលជាកម្មសិទ្ធក្រុមហ៊ុន ត្រូវភ្ជាប់អត្តសញ្ញាណម្ចាស់កម្មសិទ្ឋិ ច្បាប់ថតចម្លងវិញ្ញាបនបត្របញ្ជាក់ការចុះឈ្មោះក្នុងបញ្ជីពាណិជ្ជកម្ម ដែលមានបញ្ជាក់ពីស្ថាប័នមានសមត្ថកិច្ច ច្បាប់ថតចម្លងបណ្ណប៉ាតង់ដែលមានបញ្ជាក់ពីស្ថាប័នមានសមត្ថកិច្ច។

កៅពីឯកសារខាងលើ អ្នកស្នើសុំត្រូវភ្ជាប់មកជាមួយបណ្ណសម្គាល់យានជំនិះដែលត្រូវប្តូរ ផ្លាកលេខសម្គាល់យានជំនិះដែលត្រូវប្តូរ និងវិញ្ញាបត្រត្រួតពិនិត្យលក្ខណៈបច្ចេកទេសយានជំនិះ ច្បាប់ថតចម្លង (ករណី ត្រីចក្រយានយន្ត និងរថយន្ត)។

កម្រៃសេវាសាធារណ៖

- បណ្ណសម្គាល់ទោចក្រយានយន្ត ឬត្រីចក្រយានយន្ត ៣១ ០០០រៀល

- បណ្ណសម្គាល់ទោចក្រយានយន្ត ឬត្រីចក្រយានយន្ត (ក្រុមហ៊ុន) ៥០ ០០០រៀល

- ផ្លាកលេខសម្គាល់ទោចក្រយានយន្ត ឬត្រីចក្រយានយន្ត ៣១ ០០០រៀល

- ផ្លាកលេខរថយន្តធុនស្រាល (ផ្លាកម្ខាង) ៣៨ ០០០រៀល

- ផ្លាកលេខរថយន្តធុនស្រាល (ផ្លាក1គូ) ៦៥ ០០០រៀល

- ផ្លាកលេខរថយន្តធុនស្រាល (ផ្លាកម្ខាង) លេខពិសេសផ្ទាល់ខ្លួន ១២០ ០០០រៀល

- ផ្លាកលេខរថយន្តធុនស្រាល (ផ្លាក1គូ) លេខពិសេសផ្ទាល់ខ្លួន ២៤០ ០០០រៀល

- ផ្លាកលេខរថយន្តធុនធំ (ផ្លាកម្ខាង) ៥២ ០០០រៀល

- ផ្លាកលេខរថយន្តធុនធំ (ផ្លាក1គូ) ៧០ ០០០រៀល

- ផ្លាកលេខរថយន្តធុនធំ (ផ្លាកម្ខាង) លេខពិសេសផ្ទាល់ខ្លួន ១៥០ ០០០រៀល

- ផ្លាកលេខរថយន្តធុនធំ (ផ្លាក1គូ) លេខពិសេសផ្ទាល់ខ្លួន ៣០០ ០០០រៀល

- ផ្លាកលេខខ្នាតធំ (ផ្លាកម្ខាង) លេខពិសេសផ្ទាល់ខ្លួន ១២០ ០០០រៀល

- ផ្លាកលេខខ្នាតធំ (ផ្លាក1គូ) លេខពិសេសផ្ទាល់ខ្លួន ១៨០ ០០០រៀល



ព័ត៌មានជាច្រើនទៀតសម្រាប់អ្នក