ភ្នំពេញ៖ ថ្ងៃចន្ទដើមទ្រព្យនេះ កីឡាករ MMA កម្ពុជា រិន សារ័ត្នបានបង្ហើរសារមួយលើហ្វេសប៊ុករបស់ខ្លួនដោយសរសេរថា៖ ក្រោយលោកគ្រូ ស៊ន អេលីត មិនពេញចិត្តនឹងខ្ញុំ ដែលមានឈ្មោះវៃទ្រុងនៅឥណ្ឌា នាពេលខាងមុខ ហើយពោលសម្តីមើលងាយខ្ញុំ ដូច្នេះខ្ញុំសុំវាយជាមួយកូនសិស្សលោកគ្រូ ស៊ន អេលីត ម្នាក់ណាក៏បាន ដាក់ដើមផាន់10លានរៀល MMA #បើសិស្សលោកគ្រូឈ្នះខ្ញុំទៅវៃនៅក្រៅជំនួសខ្ញុំចុះ។ #គុនខ្មែរ_ខុសពី_វៃក្នុងទ្រុង សង្ឃឹមថាបងប្អូនយល់។ យ៉ាងណាក្តី មិនឱ្យយូរការណ៍ លោកគ្រូ ស៊ន អេលីត អ្នកគ្រប់គ្រងក្លិប​ប្រដាល់​នាយកដ្ឋាន​អង្គរក្ស បានឆ្លើយតបវិញទៅកាន់ រិន សារ័ត្នដូច្នេះថា​៖ "ឥឡូវមិនបាច់១០លានទេ ២០លានក៏បានដែរហើយដើម្បីសុក្រិតសងខាងមិនបាច់វាយ MMA ឬ Kun Khmer ទេវាយ Mas Fight មួយទឹក ៩នាទីតែម្តងទៅ"។

បន្ទាប់ពីមានការឆ្លើយឆ្លងដល់សង្វៀន Mas Fight របស់ទូរទស្សន៍ ថោន លោក ជួប វុត្ថា ដែលជាផលិតករកម្មវិធីប្រដាល់ Mas Fight Cambodia បានចេញមុខមកសម្របសម្រួលហើយ ដោយបានសរសេរថា តាមពិតលោកជួយសម្រួលអោយហើយ តែសារ័ត្នមិនព្រមប្រកួតបែបMas fight។ មិនត្រឹមតែប៉ុណ្ណោះ លោកបានជូនលក្ខខណ្ឌមួយពេញចិត្ត ដោយបង្ហាញចំនុចពិសេសៗចំនួន ៤ ដូចជា៖ 

- ទី១ សារ័ត្នចេះMMA តែ អេលីត ភក្តីមិនចេះMMA

- ទី២ Mas fight អាចក្លេបាន តែពេលកីឡាករដួលហាមថែមនឹងក្លេ

- ទី៣ សារ័ត្ននៅតែមានព្រាបជាងបើវ៉ៃ Mas fight ព្រោះគាត់ចេះក្លេ

- ទី៤ បើគ្នាអ្នកផ្តួលគូរប្រកួតរយៈពេល៩នាទីទេទុកលុយរៀងខ្លួន

លោក វុត្ថាក៏បានបញ្ជាក់បើភាគីទាំង២ព្រម ថ្ងៃទី៤ខែ៧ នឹងកំណត់ឱ្យជួបគ្នា ដោយទុកពេលអោយពង្រឹងសមត្ថភាពរៀងខ្លួន៕