លោកស្រី ពេជ ចន្ទមុន្នី បានចុះមកសួរសុខទុក្ខ ណែនាំផ្ដាំផ្ញើឲ្យក្រុមគ្រូពេទ្យទាំងអស់យកចិត្តទុកដាក់ក្នុងការថែទាំសុខភាពដើម្បីប្រយុទ្ធនឹងកូវីដ-១៩
ភ្នំពេញ: នៅព្រឹកថ្ងៃចន្ទ ទី១៤ ខែមិថុនា ឆ្នាំ២០២១ លោកស្រី ពេជ ចន្ទមុន្នី សមាជិកគណៈកម្មការប្រយុទ្ធប្រឆាំងជំងឺកូវីដ-១៩ និងជាប្រធានក្រុមដឹកនាំរួមក្រុមគ្រូពេទ្យសម្តេចតេជោប្រឆាំងកូវីដ-១៩ បានចុះមកជួបសួរសុខទុក្ខ សមាគមក្រុមគ្រូពេទ្យស្ម័គ្រចិត្ត យុវជនសម្ដេចតេជោ និងបានណែនាំផ្ដាំផ្ញើឲ្យបងប្អូនក្រុមគ្រូពេទ្យទាំងអស់ យកចិត្តទុកដាក់ក្នុងការថែទាំសុខភាពដើម្បីប្រយុទ្ធនិងជំងឺកូវីដ-១៩ ។
លោកស្រី ពេជ ចន្ទមុន្នី បានណែនាំក្រុមគ្រូពេទ្យទាំងអស់ត្រូវប្រុងប្រយ័ត្នពីវីរ៉ុសសដែលបំម្លែងថ្មីប្រភេទ B.1.617 ថែមទាំងបង្កើនការប្រុងប្រយ័ត្នឲ្យបានខ្ពស់ ដោយត្រូវចូលរួម អនុវត្តនូវវិធានការការពារ "៣ការពារ និង៣កុំ" ត្រូវអនុវត្តឲ្យបានម៉ឺងម៉ាត់នូវវិធានការអនាម័យតាមការណែនាំរបស់ក្រសួងសុខាភិបាល ដើម្បីការពារ និងទប់ស្កាត់ការីករាលដាលនៃជំងឺកូវីដ-១៩ ៕
