ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

សម្ដេចតេជោ ថាកម្ពុជាចង់ធ្វើជាមិត្តរបស់អាមេរិក

  • ចុះផ្សាយថ្ងៃទី១១ ខែឧសភា ឆ្នាំ២០២២ ម៉ោង ២២:០៥ នាទី ដោយ Hun Sirivadh
  • 2127
  Aa |   aA

វ៉ាស៊ីនតោន៖ នាយករដ្ឋមន្រ្តីកម្ពុជា សម្ដេចតេជោ ហ៊ុន សែន បានប្រាប់អតីតសមាជិកព្រឹទ្ធសភាអាមេរិក លោក ដូណាល់ អេម បេនតុន (Donald M. Benton) ថាកម្ពុជាចង់ធ្វើជាមិត្តជាមួយសហរដ្ឋអាមេរិក តែក៏បញ្ជាក់ដែលថាមិនអាចលំអៀងលើប្រទេសអាមេរិកនោះទេ ដោយថា កម្ពុជាមានគោលនយោបាយអព្យាក្រឹត្យអចិន្ត្រយ៍ដែលមានចែងក្នុងធម្មនុញ្ញរបស់កម្ពុជា។

រដ្ឋមន្ត្រីប្រតិភូអមនាយករដ្ឋមន្ត្រីគឺលោក កៅ គឹមហួន បានប្រាប់អ្នកសារព័ត៌មានថា នារសៀលថ្ងៃទី១១ ខែឧសភា ឆ្នាំ២០២២ នៅវ៉ាស៊ីនតោន សម្ដេចតេជោ បានអនុញ្ញាតឱ្យលោក អេម បេនតុន ចូលជួបដោយបានពិភាក្សាលើបញ្ហាជាច្រើនជាពិសេសពាក់ព័ន្ធនឹងតំបន់អាស៊ាន និងទំនាក់ទំនងកម្ពុជាអាមេរិក។

ក្នុងជំនួបនោះ សម្ដេចតេជោ បានគូសបញ្ជាក់ថា ឆ្នាំ២០២២នេះជាឆ្នាំនៃការបង្កើតទំនាក់ទំនងការទូតរវាងអាមេរិកនិងកម្ពុជា ហើយទំនាក់ទំនងនេះបច្ចុប្បន្នបានឡើងដល់កម្រិតមួយទៀតដែលមិនធ្លាប់មាន។ សម្ដចតេជោ បញ្ជាក់ថា កម្ពុជាគឺចង់ធ្វើមិត្តជាមួយបណ្ដាប្រទេសទាំងអស់រួមទាំងអាមេរិកផងដែរ។

លោក កៅ គឹមហួន បញ្ជាក់ថា៖ «សម្ដេចតេជោនាយករដ្ឋមន្ត្រីបានបញ្ជាក់ថាកម្ពុជាចង់ធ្វើមិត្តរបស់សហរដ្ឋអាមេរិកហើយកម្ពុជាមិនអាចរើសអាមេរិក ឬក៏ចិនទេ! ព្រោះកម្ពុជាមានគោលនយោបាយអព្យាក្រឹត្យអចិន្ត្រៃយ៍ដែលមានចែងក្នុងរដ្ឋធម្មនុញ្ញកម្ពុជា។ ដូច្នេះកម្ពុជាចង់ជាមិត្តជាមួយបណ្ដាប្រទេសទាំងអស់រួមទាំងអាមេរិកផងដែរ»។

សម្ដចក៏បានគូសបញ្ជាក់នូវអ្វីដែលកំពុងដំណើរការទៅមុខគឺសេដ្ឋកិច្ច ពាណិជ្ជកម្ម និងការវិនិយោគ ដែលឃើញថាកម្ពុជា-អាមេរិក សម្រេចបានច្រើន។

សម្ដេចបញ្ជាក់ពីកំណើននៃការនាំចេញរបស់កម្ពុជាទៅសហរដ្ឋអាមេរិក ដែលត្រឹមត្រីមាសទី១ឡើងដល់ ៤៤%។ លើសពីនេះសម្ដេចបញ្ជាក់ថា កម្ពុជាកំពុងជំរុញបន្ដែមទៀតនូវការវិនិយោគពីសហរដ្ឋអាមេរិកចូលកម្ពុជា។

ទំនាក់ទំនងកម្ពុជា-អាមេរិក ចាប់ផ្ដើមនៅឆ្នាំ១៩៥០ ក្នុងពេលដែលពិភពលោកកំពុងមានវិបត្តិសង្គ្រាមត្រជាក់។ ទំនាក់ទំនងនេះត្រូវបានគេមើលឃើញថាមានទាំងល្អនិងអាក្រក់ជាមួយគ្នាតាំងពីចាប់ផ្ដើមមក តែទោះជាយ៉ាងណាភាគីទាំងពីរនៅតែមានភាពចាំបាច់ឱ្យគ្នាទៅវិញទៅមក។

ចន្លោះឆ្នាំ២០១៨ ដល់ឆ្នាំ២០២១ កម្មវិធីជំនួយបរទេសរបស់សហរដ្ឋអាមេរិក ក្នុងវិស័យសុខាភិបាល ការអប់រំ អភិបាលកិច្ច កំណើនសេដ្ឋកិច្ច និងការបោសសម្អាតគ្រាប់យុទ្ធភ័ណ្ឌមិនទាន់ផ្ទុះ និងគ្រាប់មីនដែលជួយដល់កម្ពុជាមានទំហំសរុបមានចំនួនជាង ៣៣៨លានដុល្លារ៕


ព័ត៌មានជាច្រើនទៀតសម្រាប់អ្នក