អន្តរជាតិ : សេវាប្រព័ន្ធផ្ទុកឯកសារដ៏ធំតាមរយៈអ៉ិនធ័រណែត Cloud storage services, “Fastly” ត្រូវបានកាត់ផ្ដាច់មិនដំណើរការ។ មន្ត្រីរបស់ក្រុមហ៊ុនផ្តល់សេវាកម្ម Cloud storage បាននិយាយថា ខ្លួនកំពុងធ្វើការស៊ើបអង្កេតអំពីប្រភពនៃបញ្ហានេះ ហើយសង្ឃឹមថានឹងស្តារគ្រប់គេហទំព័រដែលប្រើប្រាស់សេវារបស់ខ្លួនឡើងវិញនៅពេលឆាប់ៗនេះ។

ការដាច់ប្រព័ន្ធផ្ទុកឯកសារដ៏ធំតាមរយៈអ៉ិនធ័រណែត Cloud storage services នេះត្រូវបានជះឥទ្ធិពលដល់ក្រុមហ៊ុនជាច្រើនដូចជាក្រុមហ៊ុន Amazon, Reddit, ស្ថានីយ៍ទូរទស្សន៍លំដាប់ពិភពលោក CNN, សារព័ត៌មាន ញ៉ូយកថែម The New York Times, Bloomberg, The Financial Times និងសូម្បីតែគេហទំព័ររបស់រដ្ឋាភិបាលមួយចំនួនក៏ត្រូវបានផ្អាកដំណើរការមិនអាចប្រើប្រាស់បាន។

សារព័ត៌មាន BBC កំពុងរាយការណ៍ថា គេហទំព័ររដ្ឋាភិបាលអង់គ្លេសដែលប្រើប្រាស់ឈ្មោះ gov.uk ក៏ត្រូវបានកាត់ផ្ដាច់ដែរ។

អ្នកប្រើប្រាស់អ៉ិនធ័រណែតរាប់លាននាក់កំពុងមើលឃើញពាក្យថាសេវាកម្មខុស ៥០៣ មិនដំណើរការ (Error 503 Service Unavailable) នៅពេលដែលពួកគេព្យាយាមទស្សនាចូលទៅក្នុងគេហទំព័រដែលពួកគេចូលចិត្ត។

បច្ចុប្បន្ននេះមានសេចក្តីរាយការណ៍យ៉ាងឆាប់រហ័សថា កំពុងមានការស៊ើបអង្កេតអំពីបញ្ហានេះជាមួយបណ្តាញចែកចាយ៕