នាយករដ្ឋមន្ត្រីអញ្ជើញទទួលទានអាហារពេលព្រឹកជាមួយប្រធានរដ្ឋវៀតណាម | រដ្ឋបាលខេត្តព្រះវិហារបញ្ជាឱ្យផ្អាកការធ្វើចរាចរណ៍លើកំណាត់ផ្លូវជាតិលេខ៩ ក្នុងស្រុកឆែប | ប្រធានអាស៊ាន និងប្រធានក្រុមប្រឹក្សាអឺរ៉ុបពិភាក្សាពីបញ្ហាអ៊ុយក្រែន | ភ្ញៀវទេសចរណ៍ធ្វើដំណើរទៅកម្សាន្តបន្ទាយមានជ័យក្នុងពិធីបុណ្យភ្ជុំបិណ្ឌកើនជិត៣ម៉ឺននាក់ | នាយករដ្ឋមន្ត្រីកម្ពុជាអញ្ជើញគោរពលា លោក ស៊ិនហ្សូ អាបេ ជាចុងក្រោយ | ចម្រៀង ជីវិតក្មេងវត្ត នឹងត្រូវបើកសម្ពោធចាក់បញ្ចាំងនៅថ្ងៃទី២៨ កញ្ញា | ជប៉ុនចង់ពង្រឹងកិច្ចសហប្រតិបត្តិការសេដ្ឋកិច្ចនិងសន្តិសុខជាមួយកម្ពុជា | បេសកម្មរាប់ម៉ឺនគីឡូម៉ែត្រក្នុងខែកញ្ញារបស់នាយករដ្ឋមន្ត្រីបានបញ្ចប់ | ទស្សនាការផ្សាយបន្តផ្ទាល់: ការបើកសម្ពោធចាក់បញ្ចាំងចម្រៀង ជីវិតក្មេងវត្ត |

រដ្ឋបាលខេត្តបាត់ដំបង ចេញសេចក្តីជូនដំណឹងបញ្ឈប់រថយន្តដឹកជញ្ជូនធុនធ្ងន់ចូលមកក្រុង

    Aa |   aA

បាត់ដំបង៖ រដ្ឋបាលខេត្តបាត់ដំបង កាលពីថ្ងៃទី០២ ខែឧសភា ឆ្នាំ២០២២ បានចេញសេចក្តីជូនដំណឹងស្តីពីការបញ្ឈប់រថយន្តដឹកជញ្ជូនធុនធ្ងន់ចូលមកក្រុងបាត់ដំបង និងផ្លាស់ប្តូរទីតាំងឃ្លាំងស្តុកទំនិញទៅនៅក្រៅក្រុងបាត់ដំបងវិញ។

អភិបាលនៃគណៈអភិបាលខេត្តបាត់ដំបង បានឱ្យដឹងថា ការបញ្ឈប់ឱ្យរថយន្តធុនធ្ងន់ចូលក្រុងបាត់ដំបងនេះដើម្បីចូលរូមរក្សាសណ្តាប់ធ្នាប់ របៀបរៀបរយ សុវត្ថិភាពសាធារណៈ និងការពារថែរក្សា ផ្លូវថ្នល់ឱ្យបានយូរអង្វែង។ រដ្ឋបាលខេត្តក៏បញ្ជាដល់ម្ចាស់អាជីវកម្មស្ដុកទំនិញទៅផ្លូវវាងក្រុងក្រុងវិញដោយទុកពេលយ៉ាងយូរ១ឆ្នាំ គិតចាប់ពីពេលជូនដំណឹងនេះរហូតដល់បំណាច់ខែមេសា ឆ្នាំ២០២៣។

យោងតាមសេចក្តីជូនដំណឹងខាងលើបានបញ្ជាក់ថា៖ «កន្លងមកមានបងប្អូនអាជីវករ ពាណិជ្ជករ និងអ្នកប្រកបអាជីវកម្មផ្សេងៗ បានធ្វើការដឹកជញ្ជូនលើសទម្ងន់កម្រិតកំណត់ចូលទៅក្នុងក្រុងបាត់ដំបងបណ្តាលឱ្យខូចខាតផ្លូវថ្នល់ និងរងមតិរិះគន់មកលើអាជ្ញាធរមានសមត្ថកិច្ច ពុំបានធ្វើការទប់ស្កាត់ ឬធ្វើការហាមឃាត់ទៅលើការដឹកជញ្ជូនរថយន្តធុនធ្ងន់ទាំងនោះ ហេតុនេះរដ្ឋបាលខេត្តនិងមានវិធានការផ្លូវច្បាប់យ៉ាងម៉ឺងម៉ាត់នូវរាល់ការដឹកជញ្ជូនរថយន្តធុនធ្ងន់ចូលមកក្នុងក្រុងបាត់ដំបង»។

ក្នុងរយៈពេលទុកប្តូរទីតាំងឃ្លាំងចេញទៅក្រៅក្រុងនេះ សូមម្ចាស់ឃ្លាំងស្តុកទំនិញពុំទាន់បានប្តូរទីតាំងទៅផ្លូវវាងក្រុង ស្នើឱ្យមានការផ្ទេរទំនិញពីរថយន្តធុនធ្ងន់ មករថយន្តតូចៗ និងហាមឃាត់រថយន្តធុនធ្ងន់គ្រប់ប្រភេទដែលមានទម្ងន់លើសពី ១៦តោន (ទម្ងន់សរុប) ធ្វើចរាចរណ៍ក្នុងក្រុងបាត់ដំបង ។

ជាមួយគ្នានេះដែរ ក៏មានមតិប្រជាពលរដ្ឋមួយចំនួនបានលើកឡើងនិងសង្ឃឹមថា ផែនការរបស់លោកអភិបាលខេត្តថ្មីខាងលើនេះ នឹងមានប្រសិទ្ធភាពមិនដូចផែនការលោកអភិបាលខេត្តមុនៗឡើយ ដែលចេញផែនការហើយធ្វើមិនបាន៕



ព័ត៌មានជាច្រើនទៀតសម្រាប់អ្នក