សេអ៊ូល៖ កូរ៉េខាងត្បូង បាននិយាយនៅថ្ងៃសុក្រថា ខ្លួននឹងលើកលែងកាតព្វកិច្ចពាក់ម៉ាសសម្រាប់នៅទីធ្លាខាងក្រៅមិនបិទជិតចាប់ពីសប្តាហ៍ក្រោយទៅ ក្នុងជំហានចុងក្រោយបង្អស់របស់ប្រទេសដើម្បីបន្ធូរបន្ថយការរឹតត្បិតកូវីដ-១៩។

នាយករដ្ឋមន្ត្រីកូរ៉េខាងត្បូងលោក Kim Boo-kyum បាននិយាយថា មនុស្សនៅតែតម្រូវឱ្យពាក់ម៉ាស់នៅក្នុងកម្មវិធីដែលមានអ្នកចូលរួមច្រើនជាង ៥០នាក់ ដូចជានៅឯការជួបជុំ ការប្រគុំតន្ត្រី និងកីឡដ្ឋានកីឡាជាដើម។

ប្រទេសកូរ៉េខាងត្បូងបានរាយការណ៍ករណីឆ្លងមេរោគថ្មីចំនួន ៥០ ៥៦៨ ករណីកាលពីថ្ងៃសុក្រ ដែលធ្លាក់ចុះពីកម្រិតខ្ពស់បំផុតជាង ៦២០ ០០០ក្នុងមួយថ្ងៃក្នុងពាក់កណ្តាលខែមីនា។

ការសម្រេចចិត្តនេះបានកើតឡើងប៉ុន្មានថ្ងៃមុនការចូលកាន់តំណែងរបស់ប្រធានាធិបតីជាប់ឆ្នោតថ្មីលោក Yoon Suk-yeol នៅថ្ងៃទី១០ ខែឧសភា ហើយបើទោះបីជាក្រុមរបស់គាត់មានការប្រឆាំងក៏ដោយ ដែលជំរុញឱ្យពួកគេសម្តែងការសោកស្តាយ និងការព្រួយបារម្ភភ្លាមៗចំពោះការប្រកាសនេះ។

ប្រទេសកូរ៉េខាងត្បូងបានលុបចោលវិធានការសុខាភិបាលជាមួយនឹងការប្រុងប្រយ័ត្នភាគច្រើនទាក់ទងនឹងជំងឺរាតត្បាតរបស់ខ្លួនរួចហើយ រួមទាំងបម្រាមគោចរពាក់កណ្តាលអធ្រាត្រលើភោជនីយដ្ឋាន និងអាជីវកម្មផ្សេងៗទៀត។

គិតដល់ពេលនេះជិត ៨៧% នៃចំនួនប្រជាជនកូរ៉េខាងត្បូង ២លាននាក់ត្រូវបានចាក់វ៉ាក់សាំងពេញលេញ ដោយ ៦៥% បានចាក់ដូសជំរុញផងដែរ នេះបើយោងតាមទិន្នន័យរបស់ទីភ្នាក់ងារគ្រប់គ្រង និងការពារជំងឺឆ្លងកូរ៉េខាងត្បូង៕