បាត់ដំបង៖ មនុស្សម្នាក់បានស្លាប់ភ្លាមៗ និង ៣នាក់ផ្សេងទៀតរងរបួសក្នុងហេតុការណ៍ភ្លៀងធ្លាក់លាយឡំនឹងបាតុភូតផ្គររន្ទះបាញ់កាលពីវេលាម៉ោង៣និង៣០នាទីរសៀល ថ្ងៃទី៣០ ខែមីនា ឆ្នាំ២០២២ ស្ថិតនៅក្នុងភូមិមុខរាហ៍១ ឃុំមុខរាហ៍ ស្រុករុក្ខគិរី ខេត្តបាត់ដំបង។
សមត្ថកិច្ចបានអោយដឹងថា រន្ទះបានបាញ់ក្នុងពេលអ្នកទាំង៤កំពុងខ្វៀលគោនៅវាលស្រែក្នុងពេលមានភ្លៀងធ្លាក់។
ជនរងគ្រោះដែលត្រូវរន្ទះបាញ់ស្លាប់ភេទស្រី អាយុ១៨ឆ្នាំ ត្រូវស្លាប់នៅនឹងកន្លែង ខណៈជនរងគ្រោះផ្សេងទៀតដែលមានអាយុពី១៥ ដល់៤២ឆ្នាំត្រូវបានបញ្ជូនទៅសង្គ្រោះនៅមន្ទីរពេទ្យ។
បច្ចុប្បន្នសពជនរងគ្រោះត្រូវបានក្រុមគ្រួសារយកទៅធ្វើបុណ្យតាមប្រពៃណី ខណៈអ្នករងរបួសកំពុងសម្រាកនៅមន្ទីរពេទ្យ៕
ព័ត៌មានជាច្រើនទៀតសម្រាប់អ្នក
