ក្រុមហ៊ុនCIC ថាខ្លួនមិនបោកប្រាស់ទេតែជាការរងឥទ្ធិពលពីវិបត្តិសេដ្ឋកិច្ចសកលនិងកង្វះការត្រៀមខ្លួនរបស់ក្រុមហ៊ុន | តុលាការអាមេរិកសម្រេចឱ្យលោក គ្រី ម៉ះផល គ្មានទោសពីបទរត់ពន្ធសត្វស្វាក្តាមឡើយ | សម្តេចតេជោសង្ឃឹមថាដំណើរទស្សនកិច្ចប្រធានក្រុមហ៊ុន Maekjung Group នឹងជាឱកាសដល់ការវិនិយោគនៅកម្ពុជា | ក្រុមហ៊ុនកាសែតធំមួយនៅកូរ៉េខាងត្បូងអញ្ជើញសម្ដេចតេជោចូលរួមវេទិកា World Knowledge Forum |

ផ្អាកដំណើរការសាឡាងអរិយក្សត្រ ដោយសារប្រារព្ធពិធីអបអរសាទរខួបលើកទី៤៤នៃ «ទិវាជ័យជម្នះ ៧មករា»

ភ្នំពេញ៖ កំពង់ចម្លងភ្នំពេញ-អរិយក្សត្រជូនដំណឹងពីការផ្អាកដំណើរការស្រឡាងចម្លងក្នុងឱកាសប្រារព្ធមីទ្ទីង៧មករា ចាប់ពីម៉ោង ៦ព្រឹកតទៅ។

នៅថ្ងៃទី៧ ខែមករា ឆ្នាំ២០២៣ ក្នុងឱកាសប្រារព្ធមីទ្ទីងខួបទី៤៤ នៃទិវាជ័យជម្នះ៧មករា កំពង់ចម្លង ភ្នំពេញ-អរិយក្សត្រ ភ្នំពេញ-ជ្រោយចង្វារ (សុខា) និងកោះពេជ្រ-កោះនរា នឹងត្រូវផ្អាកដំណើរការចម្លងចាប់ពីម៉ោង ៦ព្រឹក រហូតចប់កម្មវិធី។

គួរឱ្យដឹងដែរថា គណបក្សប្រជាជនកម្ពុជា នឹងរៀបចំប្រារព្ធពិធីមីទ្ទិញអបអរសាទរខួបលើកទី៤៤ នៃទិវាជ័យជម្នះ ៧មករា (០៧-០១-១៩៧៩- ០៧-០១-២០២៣) នៅមជ្ឈមណ្ឌលសន្និបាត និងពិព័រណ៍កោះពេជ្រ ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ នៅព្រឹកថ្ងៃទី០៧ ខែមករា ឆ្នាំ២០២៣។

នៅថ្ងៃនោះដែរ អាជ្ញាធរក៏នឹងបញ្ចៀសចរាចរ ចំពោះយានយន្តគ្រប់ប្រភេទ លើកំណាត់មហាវិថីសម្ដេចសុធារស ចាប់ពីស្តុបជលផល ដល់ផ្លូវឧកញ៉ាឈុន (ផ្លូវលេខ ២៤០) កំណាត់វិថីព្រះស៊ីសុវត្ថិ ចាប់ពីរង្វង់មូលសម្តេចសង្ឃជួនណាត ដល់ផ្លូវឧកញ៉ាឈុន (ផ្លូវលេខ២៤០) កំណាត់មហាវិថីព្រះសុរាម្រឹត ចាប់ពីនាគបាញ់ទឹក ដល់វិមានឯករាជ្យ កំណាត់មហាវិថីព្រះសីហនុ ចាប់ពីវិមានឯករាជ្យ ដល់នាគបាញ់ទឹក និងផ្លូវជុំវិញទីតាំងប្រារព្ធពិធី រហូតដល់ពិធីត្រូវបានបញ្ចប់៕



ព័ត៌មានជាច្រើនទៀតសម្រាប់អ្នក