ភ្នំពេញ៖ ក្រុមប្រឹក្សាអភិវឌ្ឍន៍កម្ពុជាទើបបានសម្រេចអនុម័តអនុញ្ញាតដល់ក្រុមហ៊ុនរថយន្ត TOYOTA ឱ្យបើករោងចក្រតម្លើងរថយន្តនៅកម្ពុជា ដែលមានតម្លៃប្រមាណ ៣៦,៧លានដុល្លារអាមេរិក ដែលបង្កើតការងារដល់ពលរដ្ឋខ្មែរប្រមាណ ១៥០នាក់។
រោងចក្រនេះនឹងត្រូវបានសាងសង់នៅក្នុងតំបន់សេដ្ឋកិច្ចពិសេស រ៉ូយ៉ាល់គ្រុបភ្នំពេញ រាជធានីភ្នំពេញ។
នៅមិនទាន់មានព័ត៌មានលំអិតបន្ថែមពីការសម្រេចអនុម័តនេះបន្ថែមនៅឡើយទេ តែការសម្រេចនេះគឺបន្ទាប់ពីមានជំនួបរវាងអគ្គលេខាធិការក្រុមប្រឹក្សាអភិវឌ្ឍន៍កម្ពុជា លោក សុខ ចិន្តាសោភា ជាមួយឯកអគ្គរាជទូតជប៉ុនលោក MIKAMI Masahiro កាលពីថ្ងៃទី៧ ខែកញ្ញា ម្សិលមិញ។
នេះជាការអនុម័តឱ្យបង្កើតរោងចក្រតម្លើងរថយន្តទី៣ហើយនៅកម្ពុជាដោយ CDC បន្ទាប់ពីក្រុមហ៊ុន Ford កាលពីឆ្នាំមុន និងក្រុមហ៊ុន GTV កាលពីខែមិថុនាកន្លងទៅ៕